બોટાદ-કારિયાણી રોડ પર અકસ્માતમાં મહિલાનું મોત

વાડીએ જઈ રહેલી મહિલાને કારે અડફેટે લીધી

બુધવારે બપોરના સમયે અકસ્માત સર્જનારા કાર ચાલક સામે ગુનો નોંધાયો

મૂળ નસવાડીના વતની અને હાલ બોટાદના જમરાળા ખાતે ખેતમજુરી કામ કરતા અશોકભાઈ ઉર્ફે નાનજી કાંતિભાઈ તડવીએ બોટાદ ગ્રામ્ય પોલીસ મથકમાં જીજે-૧૮-બીપી-૦૧૪૦ નંબરની કારના ચાલક વિરૂદ્ધ ફરિયાદ નોંધાવી હતી કે, તેમના બહેન શારદાબેન (ઉ.વ.૩૫) ગઈકાલે બપોરે ૩.૩૦ કલાકના અરસામાં જમરાળા કેરિયાણી રોડ પર આવેલી તેમના શેઠની બીજી વાડીએ જતા હતા ત્યારે ઉક્ત નંબરની કારના ચાલકે કાર પુરપાટ અને બેફિકરાઈથી ચલાવી રોંગ-વેમાં આવી તેમના બહેનને અડફેટે લેતા તેઓ ફંગોળાઈને કાટાવાળી ફેન્સિંગમાં પડતા તેમને ગંભીર ઈજાઓ પહોંચતા તેમનું મોત થયું હતું. જે અંગે બોટાદ પોલીસે ગુનો નોંધી આગળની તપાસ હાથ ધરી છે.