કાળિયાબીડ વિસ્તારમાંથી ઇંગ્લિશ દારૂ સાથે બે શખ્સ ઝડપાયા

નિલમબાગ પોલીસે બે અલગ અલગ દરોડા પાડયા

અલગ અલગ બે દરોડામાં પોલીસે દારૂ, સ્કૂટર, મોબાઈલ મળી કુલ રૂ.૯૬,૫૪૮નો મુદ્દામાલ બરામદ કર્યો

ભાવનગર: નિલમબાગ પોલીસે બે અલગ અલગ સ્થળોએ દરોડો કરી ઇંગ્લિશ દારૂની બોટલો સાથે બે શખ્સની ધરપકડ કરી કાયદેસરની કાર્યવાહી હાથ ધરી છે.

પ્રથમ દરોડાની વિગત એવા પ્રકારની છે કે, નિલમબાગ પોલીસ સ્ટાફ ગઈ મોડી રાત્રીના સમયે કાળિયાબીડ, પાણીની ટાંકી પાસે પેટ્રોલિંગમાં હતો તે દરમિયાન શંકાના આધારે આ સ્થળેથી પસાર થઈ રહેલા એક્સેસ સ્કૂટર ચાલકને અટકાવવાનો પ્રયાસ કરતા સ્કૂટર ચાલકે તેનું સ્કૂટર ઊભું નહીં રાખતા પોલીસે તેનો પીછો કરી રામ મંત્ર મંદિર પાસે તેને ઝડપી લઇ તપાસ કરવા તેની પાસેથી ઇંગ્લિશ દારૂની અલગ અલગ બ્રાન્ડની મોટી સાઇઝની ૦૪ બોટલ, કિં. રૂ. ૭,૫૫૦ મળી આવી હતી.પોલીસે ઇંગ્લિશ દારૂ, ૦૨ મોબાઇલ તેમજ સ્કૂટર મળી કુલ રૂ. ૬૦,૫૫૦ ના મુદ્દામાલ સાથે ધવલ ધીરુભાઈ જાંબુચા ( રહે. ઘોઘા જકાતનાકા, ધાવડીમાં વાળો ખાંચો, મફતનગર ભાવનગર ) ની ધરપકડ કરી કાયદેસર કાર્યવાહી હાથ ધરી હતી.જ્યારે બીજા દરોડામાં ભાવનગરમાં કાળીયાબીડ વિસ્તારમાં આવેલ સદવિચાર હોસ્પિટલ પાસેથી સ્કૂટરમાં વિદેશી દારૂની હેરાફેરી કરતા શખ્સને નીલમબાગ પોલીસે પીછો કરી ઝડપી લઈ કાયદેસર કાર્યવાહી હાથ ધરી હતી.નીલમબાગ પોલીસ સ્ટાફ ગત મોડી રાત્રીના સમયે કાળીયાબીડ વિસ્તારમાં પેટ્રોલિંગમાં હતો તે દરમિયાન વિરાણી સર્કલ પાસેથી એક્સેસ સ્કૂટર પર પસાર થઈ રહેલા શખ્સને અટકાવવાનો પ્રયાસ કરતા તેણે પોતાનું સ્કૂટર ઊભું નહીં રાખતા પોલીસે તેનો પીછો કરી સદવિચાર હોસ્પિટલ પાસેથી તેને ઝડપી લીધો હતો.નીલમબાગ પોલીસે તપાસ કરતા તેની પાસેથી ઇંગ્લિશ દારૂની ૦૩ બોટલ,કિં. રૂ.૭૯૮ મળી આવી હતી.નીલમબાગ પોલીસે ઇંગ્લિશ દારૂ, એક મોબાઈલ ફોન તેમજ સ્કૂટર મળી કુલ રૂ. ૩૫,૯૯૮ ના મુદ્દામાલ સાથે રાહુલ ગોપાલભાઈ ચૌહાણ ( રહે. ઘોઘા જકાતનાકા, રામદેવપીર વાળો ખાંચો, મફતનગર ) ને ઝડપી લઇ તેની વિરુદ્ધ પ્રોહીબિશનની કલમ હેઠળ ગુનો નોંધી કાયદેસર કાર્યવાહી હાથ ધરી હતી.