જામનગર નજીક ઢીચડા ગામ પાસે

જામનગર પંથકમાં અકસ્માતના ૩ બનાવમાં ૪ ઘાયલ

જામનગર નજીક ઢીચડા રોડ પર થારજીપના ચાલકે એક બાઇકને હડફેટેમાં લઈ લેતાં સબીરભાઈ દોદેપોત્રા નામના યુવાનને ગંભીર ઇજા થઈ હતી. તેઓને ૧૦૮ નંબરની એમ્બ્યુલન્સ મારફતે સારવાર માટે જામનગરની સરકારી જી.જી. હોસ્પિટલમાં ખસેડવામાં આવ્યા હતા, જયાં ફરજ પર ના તબીબે તેનું મૃત્યુ નીપજયું હોવાનું જાહેર કર્યું હતું.અકસ્માતના બનાવ અંગે ફરિયાદ નોંધવવા કાર્યવાહી હાથ ધરવામાં આવી રહી છે.

જામનગરમાં સાત રસ્તા નજીક સંતોષી માતાજીના મંદિર નજીક આવેલી ઝુપડપટ્ટીમાં રહેતી સોનલબેન વનરાજભાઈ પરમાર નામની મહિલાની ૧૦ વર્ષની પુત્રી દિવ્યા કે જે દૂધ લેવા માટે ગઈ હતી, દરમિયાન તેણીને પેટ્રોલ પંપ નજીક એક અજ્ઞાાત કારના ચાલકે ઠોકરે ચડાવી ફ્રેકચર સહિતની ગંભીર ઇજા પહોંચાડી છે.ખંભાળીયા બાયપાસ રોડ પર સમરસ હોસ્ટેલ પાસે બાઈક લઈને પસાર થઈ રહેલા કનકસિંહ રણજીતસિંહ જાડેજા (ઉ.વ.૪૭) તેમજ વસંતબા નામની મહિલાને ટ્રકના ચાલકે ટક્કર મારી દઇ ફ્રેક્ચર સહિતની ઇજા પહોંચાડયાની ફરિયાદ પોલીસમાં નોંધાવવામાં આવી છે.જામનગરમાં ત્રણ દરવાજા પાસે ત્યાંથી પસાર થઈ રહેલા દિનેશભાઈ ત્રિકમભાઈ વાઘેલા નામના બાઈક ચાલકને બાઈકના ચાલકે ઠોકર મારી પછડી ગઈ ફેક્ચર રહીતની ઇજા પહોંચાડયાની ફરિયાદ પોલીસમાં નોંધાવાઇ છે.