નૂતન વર્ષમાં આજે પ્રથમ ગુરૂ પુષ્યામૃત યોગઃ સોના, ચાંદીની ધૂમ ખરીદી થશે

- પુષ્યનક્ષત્રને નક્ષત્રના રાજા માનવામાં આવે છે

- શ્રધ્ધાળુઓ દ્વારા જપ, તપ, દાન, પુણ્ય સહિતના ધર્મકાર્યો અને જીવદયા પ્રવૃતિઓનો ધમધમાટ જોવા મળશે 

આવતીકાલ તા. ૨૧-૧૧ ને ગુરૂવારે સવારે સૂર્યોદય ૭-૦૪ કલાકથી બપોરે ૩-૩૫ સુધી ગુરૂ ૫ુષ્યામૃત યોગ છે. આવતીકાલે આ વર્ષનો પહેલો ગુરૂ પુષ્યામૃત યોગ છે. અત્રે એ ખાસ નોંધનીય છે કે, પુષ્ય નક્ષત્રમાં એવા અનેક ગુણ છે કે જે દરેક શુભ બાબતોમાં વૃધ્ધિ કરે છે. આથી જ પુષ્ય નક્ષત્રને નક્ષત્રના રાજા માનવામાં આવે છે. તેમાં પણ ગુરૂવારે પુષ્ય નક્ષત્ર આવતા તે ગુરૂપુષ્યામૃત યોગ ગણવામાં આવે છે. આજના દિવસે શ્રધ્ધાળુઓ દ્વારા દેવદેવીઓના દર્શન,  ઈષ્ટદેવ, કુળદેવીની પૂજા, પાઠ, જપ, તપ કરાશે. ગુરૂમંત્રના અધિક જાપ કરવામાં આવશે. માઈભકતો દ્વારા લક્ષ્મીની પ્રાપ્તિ માટે સાકરવાળુ દૂધ શ્રીસુકતના પાઠના ઉચ્ચારણ સાથે શ્રીયંત્ર પર અભિષેક કરાશે. વિક્રમ સવંત ૨૦૮૧ નો આરંભ થતા નવા વર્ષમાં ગુરૂ પુષ્યામૃત નક્ષત્રના કુલ ૪ યોગ આવે છે. જેમાં આગામી તા. ૨૪ જુલાઈ ૨૦૨૫, તા.૨૧ ઓગસ્ટના રોજ આખો દિવસ જયારે  ૧૮ સપ્ટેમ્બર ૨૦૦૨૫ ના રોજ ગુરૂ પુષ્યામૃત નક્ષત્ર આવે છે. જયારે ૨૦૮૧ ના વર્ષમાં રવિ પુષ્ય નક્ષત્રના ત્રણ યોગ આવે છે