જરૂરિયાતમંદ વિદ્યાર્થીઓને સ્પર્ધાત્મક પરિક્ષા માટે સજ્જ કરવાનો ધુ્રપકાના શિક્ષકનો સેવાયજ્ઞા

- ગ્રામ્ય વિસ્તારના વિદ્યાર્થીઓની કારકિર્દી બનાવવા માટે દીવાદાંડી સમાન શિક્ષક

- વેકેશન, સરકારી રજા અને જાહેર રજાનો સદ્ઉપયોગ કરી એન. એમ. એમ. એસ. અને જ્ઞાાન સાધના પરિક્ષાની વિશેષ તાલીમ આપે છે

ગળાકાપ સ્પર્ધાનો યુગ ચાલી રહ્યો છે ને સ્પર્ધાત્મક યુગમાં ટકી રહેવા માટે વિશેષ નહીં પરંતુ સ-વિશેષ મહેનતની જરૂર પડતી હોય છે. સરકારી પ્રાથમિક શાળામાં અભ્યાસ કરતાં વિદ્યાર્થીઓ પૈકી જે વાલીની આવકો દોઢ લાખ કરતાં ઓછી હોય તેના માટે સરકાર દ્વારા આગલના ઉચ્ચ અભ્યાસ માટે દર મહિને અલગથી શિષ્યવૃત્તિ અપાતી હોય છે અને આના માટે વિદ્યાર્થીઓને વિશેષ રૂપે સજ્જ કરવા માટે સિહોર તાલુકાની ધુ્રપકા શાળાનાં શિક્ષક હિંમતભાઈએ શાળાના આચાર્ય અકબરભાઈ બાબીના માર્ગદર્શન નીચે સઘન પ્રયાસો હાથ ધર્યા છે.

ગત મે ૨૦૨૩ના વેકેશનના સમયગાળાથી આજ દિન સુધી વિદ્યાર્થીઓને એન. એમ. એસ. અને જ્ઞાાન સાધનાની પરીક્ષા માટે વિશેષ તૈયારી કરાવવામાં આવે છે. હિંમતભાઈ રવિવાર કે અન્ય જાહેર રજા કે વેકેશન ભોગવતા નથી આ સમયગાળા દરમ્યાન સ્પર્ધાત્મક પરીક્ષાની તૈયારી કરાવાઈ છે. શાળાના કામકાજનાં દિવસો દરમ્યાન રોજ સવારે એક કલાક વહેલા શાળાએ આવીને વિદ્યાર્થીઓને સ્પર્ધાત્મક પરક્ષાના પેપર સોલ્વ કરાવવામાં આવે છે. આખા વર્ષ દરમ્યાન વિવિધ ગુ્રપમાંથી આવતા પેપરની પોતાના જ પ્રિન્ટરમાં પ્રિન્ટ કાઢી, વિદ્યાર્થીઓને આ પ્રિન્ટ આપવામાં આવે છે. જે પ્રિન્ટર અને કાગળ પોતના જ વાપરે છે. આ વરસે આખા વર્ષ દરમ્યાન બેશુમાર પેપરોની તૈયારી કરાવવામાં આવી છે. વર્ષના અંતે ધો. ૬ અને ધો. ૮ના વિદ્યાર્થીઓને ઓનલાઈન ફોર્મ તો ભરી આપ્યા પણ સાથો સાથ આ પરક્ષા માટેની ઓનલાઈન ફી પણ તેઓએ જાતે જ ભરી આપી છે. તદુપરાંત આ પરીક્ષાની તૈયારી કરવા માટે જરૂરી સંદર્ભ સાહિત્ય પણ વિદ્યાર્થીઓને વિનામુલ્યે પુરું પાડવામાં આવે છે. આવી જ રીતે પી.એસ.ઈ. અને અન્ય પરીક્ષાઓ માટે પણ વિદ્યાર્થીઓ માટે અલગથી સમય ફાળવે છે.