સાંકડાસર નજીક બોલેરો પીકઅપ અને બાઈક અથડાતાં યુવાનનું મોત
- માથાના ભાગે ગંભીર ઈજા થતાં યુવાનને અમદાવાદની હોસ્પિટલે ખસેડવામાં આવ્યો હતો
- ત્રણે યુવાનો સેન્ટીંગની કામગીરી પૂર્ણ કરી મોટરસાયકલ પર ઘર તરફ આવી રહ્યા હતા ત્યારે અકસ્માત સર્જાયો
આ બનાવવાની જાણવા મળતી વિગત મુજબ તળાજાના તરસરા ગામે રહેતા અશ્વિનભાઈ ભટુભાઈ ચૌહાણ એ તળાજા પોલીસ મથકમાં એવા મતલબની ફરિયાદ નોંધાવી હતી કે,અશ્વિનભાઈ તથા ભગવાનભાઈ બધા ભાઈ ભાલીયા અને સંમિતભાઈ મુકેશભાઈ સોલંકી કામ કરતા હોય સાંકડાસર ૧ નાં પાટીયા પાસે સેન્ટીંગની કામગીરી પૂર્ણ કરી ત્રણેય મોટરસાયકલ નંબર જીજે ૦૪ ડીએચ ૨૯૫૦ લઈને ઘર તરફ આવતા હતા તે દરમિયાન સાંકડાસરના પાટીયા પાસે બોલેરો પીકઅપ વાહનના ચાલકે પોતાનું વાહન બે ફિકરાયથી અને પૂર ઝડપે ચલાવી મોટરસાયકલ સાથે ધડાકાભૈર અથડાયું હતું. અકસ્માત સર્જાતાની સાથે જ મોટરસાયકલ પર જઈ રહેલા અને વ્યક્તિઓને ગંભીર પણ ઈજા થઈ હતી ઇજાગ્રસ્તોને ૧૦૮ એમ્બ્યુલન્સ મારફતે હોસ્પિટલે ખસેડવામાં આવ્યા હતા જ્યાં ભગવાન ભાઈની સ્થિતિ વધુ ગંભીર બનતા અમદાવાદ સરકારી દવાખાને ખસેડવામાં આવ્યા હતા જ્યાં તેમનું સારવાર દરમિયાન મોત નિપજ્યું હતું આ બનાવવા અંગે તળાજા પોલીસ મથકમાં ફરિયાદ નોંધાવવામાં આવી છે.