દુધાળાના પાટીયા પાસે અજાણ્યા વાહન અડફેટે બાઈક ચાલકનું મોત

- મૃતકના મોટાભાઈએ અજાણ્યા વાહન વિરૂદ્ધ ફરિયાદ નોંધાવી

- ભાવનગરનો યુવાન ઘરે પરત આવી રહ્યો હતો ત્યારે અકસ્માત સર્જાયો

અકસ્માતની આ ઘટના અંગે પ્રાપ્ત વિગત અનુસાર ભાવનગરના માર્કેટિંગ યાર્ડ સામે આવેલ ફુલસરમાં રહેતા સંજયભાઈ ગંભીરભાઈ ભેવલિયા બોટાદમાં આવેલ ટ્રેક્ટરની એજન્સીમાં કામ કરતા હોય અને ભાવનગર જિલ્લામાં ફિલ્ડવર્ક માટે જતા હોય, ગઈકાલે તેઓ તેમનું સાઈન મોટરસાઇકલ નં. જી.એચ.૧૪ - બી. ઇ. - ૨૧૪૬ લઈને નોકરી પર ગયા હતા અને રાત્રિના નવ વાગ્યા આસપાસ પાલીતાણાના દુધાળા ગામના પાટીયા પાસેથી પસાર થતા હતા તે દરમિયાન કોઈ અજાણ્યા વાહન સાથે બાઈકનો અકસ્માત થતાં તેમનું ગંભીરતા થવાથી મોત નીપજ્યું હતું. આ બનાવ અંગે મૃતકના મોટાભાઈ ગોપાલભાઈ ગંભીરભાઈ ભેવલિયાએ અજાણ્યા વાહનના ચાલક વિરુદ્ધ ફરિયાદ નોંધાવતા પાલીતાણા રૂરલ પોલીસે ગુનો નોંધી તપાસ હાથ ધરી છે.