ધંધુકા રાણપુર સર્કલ પાસે ડમ્પરે એકટીવાને અડફેટે લેતાં યુવાનનું મોત

એકટીવા ચાલકને ગંભીર ઈજા

બંને મિત્રો હોટેલે ચા પિવા રોડની સાઈડમાં ઉભા હતા ત્યારે અકસ્માત સર્જાયો

આ બનાવની જાણવા મળતી વિગત મુજબ ધંધુકાના ખરડ ગામે રહેતા ષિરાજસિંહ સુધીરસિંહ ચુડાસમાંનાં મોટા ભાઈ મહિપાલસિંહ સુધીરસિંહ ચુડાસમા (ઉ.વ.-૩૨  રહે. ખરડ તા.ધંધુકા જી.અમદાવાદ) તેમના મિત્ર ભાવેશભાઈનુ એક્ટીવા નં.જીજે.૩૮.સી.૨૦૯૭ લઈને ગુરુવારે બપોરના એકાદ વાગ્યાના સુમારે ધંધુકા રાણપુર સર્કલ પાસે આવેલ હોટેલે ચા પિવા રોડની સાઈડમા ઉભા હતા તે વખતે ડમ્પર નંબર જીજે ૩૮ ટીએ ૬૫૫૫ ના ચાલકે તેનુ ડમ્પર પુરઝડપે અને ગફલત ભરી રીતે ચલાવી મહિપતસિંહના અક્ટીવા સાથે અથડાવી મહિપાલસિંહનુ સ્થળ ઉપર મોત નિપજાવી તેમજ એક્ટીવા ચાલક ભાવેશભાઈ મકવાણાને માથામા ગંભીર ઇજાઓ પહોચાડી હોવાની ફરિયાદ મૃતકના ભાઈ ષિરાજસિંહે ડમ્પર ચાલક વિરુદ્ધ ધંધુકા પોલીસ મથકમાં નોંધાવતા પોલીસે વધુ તપાસ હાથ ધરી છે.