સુભાષનગરમાં ઓરડીમાંથી ઇંગ્લીશ દારૂ,બિયર ટીન સાથે શખ્સ ઝડપાયો

- ઘોઘા રોડ પોલીસ મથકમાં પાંચ શખ્સ વિરૂધ્ધ ફરિયાદ નોંધાઇ

- લોકલ ક્રાઇમ બ્રાન્ચ તથા પેરોલ ફર્લો સ્કવોડે ઇંગ્લીશ દારૂ, બિયર ટીન, દેશી દારૂની બોટલ મળી કુલ રૂ. 4.76 લાખનો મુદ્દામાલ કબજે  

પોલીસ સુત્રો પાસેથી પ્રાપ્ત થતી વિગત અનુસાર ભાવનગર, એલ.સી.બી. તથા પેરોલ ફર્લો સ્કવોડનાં સ્ટાફ ભાવનગર શહેર વિસ્તારમાં પેટ્રોલીંગમાં હતાં. તે દરમ્યાન બાતમી મળેલ કે,અજય મોહનભાઇ ચૌહાણ (રહે.પ્લોટ નં.૪૬/બી,શેરી નં.૦૨, રજપૂતવાડા,સુભાષનગર,ભાવનગર ) તેના કબ્જા ભોગવટાની ઓરડીમાં ઇંગ્લીશ દારૂનો જથ્થો બહારથી લાવી વેંચાણ કરે છે અને હાલ આ ઈંગ્લીશ દારૂનો જથ્થો સગેવગે કરે છે. જે બાતમી આધારે રેઇડ કરી તલાશી લેતા ઇંગ્લીશ દારૂની નાની-મોટી બોટલ નંગ-૨૭૯૫, બિયર ટીન-૪૩૨, દેશીદારૂની બોટલ નંગ-૮૯ મળી આવતા પોલીસે સરફરાજ ઉર્ફે નનકો ઉર્ફે મુંગો રફીકભાઇ સૈયદ ઉ.વ.૧૮ (રહે.પ્લોટ નં.૪૬/એફ, શેરી નં.૦૨, ૫૦-વારીયા, શંકર મંદીર પાછળ, સુભાષનગર, ભાવનગર ) ને વિદેશી દારૂ,બિયરના ટીન ,મોબાઈલ,સ્કૂટર ,દેશી દારૂની બોટલો મળી કુલ રૂ.૪,૭૬,૬૮૨ નાં મુદ્દામાલ સાથે ઝડપી લીધો હતી જ્યારે મદદગારી કરનાર કેવલ ઉર્ફે સાંગો રમેશભાઇ સોલંકી (રહે. શેરીનં.૨, રજુપતવાડા, સુભાષનગર,ભાવનગર), હીરેન ગોબરભાઇ ઢાપા (રહે.શેરી નં.૨, રજુપતવાડા, સુભાષનગર, ભાવનગર), શૈલેષ ઉર્ફે સન્ની રમેશભાઇ જાદવ (રહે.મુખ્યમંત્રી આવાસ, ભરતનગર, ભાવનગર), અફઝલભાઇ અસલમભાઇ પઢીયાર (રહે. શિહોર, તા.જી. ભાવનગર) સહિતના શખ્સો વિરૂધ્ધ ઘોઘા રોડ પોલીસ સ્ટેશનમાં પ્રોહિબિશનની અલગ-અલગ કલમો હેઠળ ગુન્હો દાખલ કરી આગળની કાર્યવાહી હાથ ધરવામાં આવેલ છે.