UAEની રાષ્ટ્રીય ક્રિકેટ ટીમમાં પોરબંદરના 2 યુવાનોનો સમાવેશ

- ગાંધીભૂમીનું હિર ઝળકયું આઈસીસી મેન્સ ક્રિકેટ વર્લ્ડ કપ લીગ-રમાં ભાગ લેશે

પોરબંદર, : યુ.એ.ઈ.ની રાષ્ટ્રીય ક્રિકેટ ટીમમાં પોરબંદરના બે યુવાનોનો સમાવેશ થયો છે. આઈ.સી.સી. મેન્સ ક્રિકેટ વર્લ્ડ કપ લીગ-રમાં કાંડાનું કૌવત દાખવશે. 

યુ.એ.ઈ.ની રાષ્ટ્રીય ક્રિકેટ ટીમમાં પોરબંદરના બે યુવાનોનો સમાવેશ થયો છે. તેથી પોરબંદરના ક્રિકેટ જગતમાં ખુશીની લહેર જોવા મળી છે. આઈ.સી.સી. મેન્સ ક્રિકેટ વર્લ્ડ કપ લીગ-રનું આયોજન થયું છે ત્યારે તેમાં યુ.એ.ઈ.ની ક્રિકેટ ટીમમાં પોરબંદરના વતની એવા બે ખેલાડીઓ આશિષ ઓડેદરા અને જય ઓડેદરા એમ બબ્બે યુવા ખેલાડીઓનો સમાવેશ થતા પોરબંદરના ક્રિકેટ જગતમાં ખુશીની લહેર ફેલાઈ ગઈ છે.

ઉલ્લેખનીય છે કે આ ટીમમાં કેપ્ટન તરીકે જતીન્દરસિંઘ ઉપરાંત  અન્ય ખેલાડીઓમાં પોરબંદરના જય ઓડેદરા અને આશિષ ઓડેદરા ઉપરાંત અન્ય ક્રિકેટરોમાં આમીર કલીમ, મહમ્મદ નદીમ, સંદિપ ગૌડ, હામદ મીર્ઝા, કરણ સોનવાલે, વાસીમ અલી, સુફીયાન મહેમ્મુદ, સકીલ અહમદ, મુઝાહીર રાઝા, સમય શ્રીવાસ્ત્વ, સિધ્ધાર્થ બુકાપટ્ટનમ, અને મુનીસ અંસારીનો સમાવેશ થયો છે.