સેન્ટ્રલ જીએસટીના અધિકારીનાં બંધ મકાનમાંથી ૨.૪૮ લાખની મત્તાની ચોરી

એરપોર્ટ રોડ પરની ઇન્કમટેક્સ સોસાયટીમાં રહેતા

તસ્કરો ઘરમાં લાગેલા કેમેરાનું ડીવીઆર અને રાઉટર પણ ચોરી ગયા, સીસીટીવી કેમેરાના આધારે પોલીસની તપાસ

ફરિયાદમાં શિવદાસભાઈએ જણાવ્યું છે કે તેના બંને પુત્રો ભારત બહાર અભ્યાસ કરે છે. ગઇ તા. ૧૧ના રોજ સવારે છએક વાગ્યે પત્ની, સાઢુભાઈ, તેના પત્ની અને માસીજી વગેરે સહિતના પરિવાર સાથે દ્વારકા અને સોમનાથ ખાતે દર્શન કરવા ગયા હતા. ગઇકાલે સાંજે સોમનાથથી પરત ઘરે આવીને જોયું તો દરવાજાના તાળા, નકૂચો તૂટેલા હતા.  સેન્ટ્રલ લોક ખૂલ્લો હતો.

અંદર જોતા તમામ સામાન વેરવિખેર પડયો હતો. ઉપરના માળે પણ તમામ સામાન વેરવિખેર પડયો હતો. નીચેના માળે આવેલા રૃમના બે કબાટ અને ઉપરના માળે આવેલા ત્રણ રૃમના પાંચ કબાટ ખુલ્લા હતા. તમામના લોક પણ તૂટેલા હતા. તપાસ કરતાં સોનાની બે બંગડી, સોનાની કાનમાં પહેરવાની ત્રણ જોડી ઝૂમકી, બે સોનાના ચેન, બે સોનાના હાર, એક મોતીનો હાર, મંદિરમાં રહેલ ચાંદીનો ઢોળ ચડાવેલી ભગવાનની નાની આઠથી દસ મૂર્તિ, ભગવાનની છાપવાળા ચાંદીના ચારથી પાંચ સિક્કા, બે ઘડિયાળ, કેમેરાનું ડીવીઆર, રાઉટર, રોકડા રૃા. ૪૦ હજાર ગાયબ હતા.

તસ્કરો મકાનના આગળના દરવાજાનો નકૂચો તોડી, સેન્ટ્રલ લોક ખોલી, અંદર પ્રવેશી ઉપર અને નીચેના માળેથી ચોરી કરી ગયા હતા. તસ્કરો રૃા. ૨.૦૮ લાખની કિંમતના સોના-ચાંદીના ઘરેણા, રૃા. ૪૦ હજારની રોકડ મળી કુલ રૃા. ૨.૪૮ લાખની મત્તા ચોરી ગયા હતા. જે અંગે ગાંધીગ્રામ પોલીસે ફરિયાદ નોંધી સીસીટીવી કેમેરા વગેરેના આધારે તપાસ આગળ ધપાવી છે. જેમાં ક્રાઇમ બ્રાંચ ઉપરાંત એલસીબીના સ્ટાફે પણ ઝૂકાવ્યું છે.