અજમાવી જૂઓ .

- સાબુના પાણીમાં કેરોસીન મેળળી બાલદી કે ટીનના વાસણો ઘસવાથી ચમકીલા થાય છે.

- મોગરાના ફૂલવાળા પાણીથી સ્નાન કરવાથી શરીરની દુર્ગંધ દૂર થાય છે.

- રોટલીનો લોટ ગૂંદતી વખતે તેમાં બે ચમચી દૂધ,ઘી કે મલાઈ ભેળવવાથી રોટલી મુલાયમ તથા પાતળી થાય છે.

- લીંબુ નીચોવેલી ઠંડા પાણીમાં શાક પલાળી રાખવાથી શાક તાજુ રહે છે.

- કાયમ સળેખમ રહેતું હોય તો એક જાયફળને દૂધમાં ઘસીને કપાળે તથા નાક પર દિવસમાં ત્રણ વાર લગાડવાથી રાહત થાય છે.

- પુસ્તકના કબાટમાં ડામરની ગોળીઓ રાખવાથી જીવાત થતી નથી.

- સફરજનના ટુકડા અને કેળાના પૈતા પર ખાંડ અથવા લીંબુનો રસ નાખવાથી કાળા પડતા નથી.

- મેથીની પેસ્ટમાં ઓલિવ ઓઇલ, અડધી ટીસ્પૂન કેસ્ટર ઓઇલ અને કોપરેલ ભેળવી વાળમાં લગાડવું.

- ડામરના ડાઘા દૂર કરવા માટે પહેલા માખણ લગાડો પછી સાબુના ઠંડા પાણી વડે ધોઇ નાખો એટલે ડાઘ તરત જ નીકળી જશે.

- અજમામાં મીઠાનું પાણી ભેળવી હળવો શેકવાથી અજમામાંથી તીખાશ દૂર થાય છે.

- વધારે પડતું લસણ છોલવાનું હોય તો લસણની કળીને પાંચ મિનિટ સુધી હુંફાળા પાણીમાં ભીંજવવા. અને પછી ખરબચડા કપડાથી રગડવું. ફોતરાં સરળતાથી ઊતરી જશે.

- ઇડલી બનાવવાના ચોખા અને અડદની દાળને શેકીને પાણીમાં ભીંજવીને ઉપયોગમાં લેવાથી ઇડલી સ્પંજી અને ડોસા કરકરા થશે.

- કારેલાના શાકમાં વરિયાળી તથા ગોળ નાખવાથી કડવાશ ઓછી થશે તેમજ શાક સ્વાદિષ્ટ બનશે.

- રવો-મેંદો પ્લાસ્ટિકની થેલીમાં રાખી રેફ્રિજરેટરમાં રાખવાથી જલદી બગડશે નહીં.

- લીંબુનો રસ અને સાકર ભેળવેલ મિશ્રણથી મસાજ કરવાથી ત્વચા મુલાયમ તેમજ ચળકતી બનશે.

- મીનાક્ષી તિવારી