કમોસમી વરસાદની આવક થતાં પાનમ ડેમનો એક દરવાજો એક ફુટ સુધી ખોલાયો

શહેરા તા.7 નવેમ્બર 2019 ગુરૂવાર

શહેરાના પાનમ ડેમ કમોસમી વરસાદને લઈ  પાણીની આવક થતાં ડેમનો એક દરવાજો એક ફૂટ સુધી ખોલી 1401  પાણી પાનમ નદીમાં છોડવામાં આવ્યું હતુ.

પંચમહાલ જિલ્લામાં હાલ વરસી રહેલા કમોસમી વરસાદને લઈ પંચમહાલ જિલ્લાના જીવાદોરી સમાન પાનમ જળાશયમાં પાણીની  આવક 612 ક્યુસેક થતા ડેમ નો એક દરવાજો એક ફૂટ સુધી ખોલી પાનમ નદીમાં 1401  પાણી છોડાયું  હતું.

પાનમ જળાશય ની ભયજનક સપાટી 127.41 મીટર અને હાલ ની સપાટી પણ 127.41મીટર હોવાથી ડેમ સંપૂર્ણ ભરાયેલો  હોવાથી ગુરુવારના રોજ મધ્યરાત્રીથી વરસાદ શરૃ થયો હોવાથી ડેમમાં પાણીની આવકને લઈ  ડેમમાંથી 1401 ક્યુસેક પાણી પાનમ નદીમાં છોડવાની ફરજ પડી હતી.