શું છે ડ્રાય આઈસ? જેને રેસ્ટોરાંમાં માઉથ ફ્રેશનરને બદલે ખાધા પછી લોકોને થવા લાગી લોહીની ઉલટી

What is Dry Ice? ગુરુગ્રામની એક રેસ્ટોરન્ટમાં પાંચ લોકોને માઉથ ફ્રેશનરને બદલે ડ્રાય આઈસ ખાઈ લેતા લોહીની ઉલટી થવા લાગી, ત્યારબાદ તેમની તબિયત વધુ ખરાબ થઈ ગઈ. તેઓને ખાનગી હોસ્પિટલના ICUમાં દાખલ કરવામાં આવ્યા હતા, જ્યાં બે લોકોની હાલત ગંભીર હોવાનું કહેવાય છે. આ મામલામાં તે કેફે વિરુદ્ધ એફઆઈઆર દાખલ કરવામાં આવી છે અને પોલીસે તેની તપાસ શરૂ કરી છે, પરંતુ આ ડ્રાય આઈસ શું છે, જે ખાધા પછી લોકોને લોહીની ઉલ્ટી થવા લાગી?

પાણીથી નથી બનતું ડ્રાય આઈસ

જ્યારે આ લોકોને હોસ્પિટલમાં લઈ જવામાં આવ્યા ત્યારે ત્યાં તેમની સારવાર કરનાર ડૉક્ટરે કહ્યું કે આ લોકોએ જે ખાધું છે તે ખરેખર ડ્રાય આઈસ હતું. જે કાર્બન ડાયોક્સાઇડનું ઘન સ્વરૂપ છે. તેનો ઉપયોગ કૂલિંગ એજન્ટ તરીકે થાય છે. હવે મેડિકલથી લઈને ફૂડ ઈન્ડસ્ટ્રીમાં તેનો ઉપયોગ થઈ રહ્યો છે. તે નોર્મલ બરફ જેવું છે પરંતુ તે પાણીથી બનેલુ નથી તેમ છતાં ખૂબ ઉપયોગી છે, પરંતુ ખૂબ જોખમી પણ છે.

સામાન્ય બરફની જેમ ડ્રાય આઈસ ભીનું હોતું નથી

તેની ખાસ વાત એ છે કે તે ખૂબ જ ઠંડુ હોય છે. જો આપણે સામાન્ય બરફ વિશે વાત કરીએ, તો તેનું તાપમાન માઈનસ 2-3 છે, પરંતુ ડ્રાય આઈસનું તાપમાન માઈનસ 80 ડિગ્રી સુધી હોય છે. તે સામાન્ય બરફની જેમ ભીનું નથી. સામાન્ય બરફ ઊંચા તાપમાને આવતાની સાથે જ તે પીગળવા લાગે છે અને પાણીમાં ફેરવાઈ જાય છે, પરંતુ ડ્રાય આઈસની બાબતમાં આવું થતું નથી, જ્યારે તે ઊંચા તાપમાને આવે છે ત્યારે તે પીગળવાને બદલે ધુમાડાની જેમ ઉડવા લાગે છે.

ડ્રાય આઈસ કઈ રીતે બને છે?

ડ્રાય આઈસ બનાવવા માટે પહેલા કાર્બન ડાયોક્સાઇડને 109 ડિગ્રી ફેરનહીટ પર ઠંડુ કરીને કમ્પ્રેસ કરવામાં આવે છે, જેના કારણે આ ગેસ બરફ બની જાય છે અને તેનો આકાર નાના કે મોટા ટુકડાઓમાં ફેરવાય છે.

તેનો ઉપયોગ શું?

તેઓ ઉપયોગ કૂલિંગ એજન્ટ તરીકે કરવામાં આવે છે. હાલ મેડિકલથી લઈને ફૂડ ઈન્ડસ્ટ્રીમાં તેનો ઉપયોગ થઈ રહ્યો છે. જ્યારે તેને ગરમ પાણીમાં નાખવામાં આવે છે, ત્યારે તેમાંથી ધુમાડો નીકળે છે અને પછી તે બરફ જેવું દેખાય છે. આથી તેનો ઉપયોગ  ફોટોશૂટ અને થિયેટરમાં પણ તેનો વ્યાપક ઉપયોગ કરવામાં આવે છે.

ડ્રાય આઈસ જોખમી કેમ છે?

તેમાં કાર્બન ડાયોક્સાઇડ ગેસ હોય છે. જો કે, તે ખૂબ જ ઠંડુ હોય છે, જેના કારણે શરીરના કોષો મરવા લાગે છે. આવી સ્થિતિમાં તેનો સીધો સ્પર્શ કરવાની મનાઈ હોય છે. એવું પણ કહેવાય છે કે તેને એર ટાઈટ બોક્સમાં ન રાખવું જોઈએ અને તેનો ઉપયોગ ટાળવો જોઈએ.