હરિયાણામાં ભૂંડી હાર બાદ આપનું મોટું એલાન, દિલ્હીમાં એકલા ચાલો રે.... કોંગ્રેસ સાથે ગઠબંધન નહીં

AAP Will Be Contests Delhi Election Alone: હરિયાણામાં અત્યંત ખરાબ રીતે પરાજય થયા બાદ આમ આદમી પાર્ટી તેના સહયોગી પક્ષ કોંગ્રેસ પર પ્રહારો કરી રહી છે. નવી દિલ્હીમાં કોંગ્રેસ અને આપ સાથે મળી ચૂંટણી લડે તેવી અટકળો અને સલાહો વચ્ચે આપએ સ્પષ્ટતા આપી છે કે, તે દિલ્હીમાં પણ એકલા ચાલોની નીતિ અપનાવશે.

VIDEO | “Congress has faced defeat (in Haryana) because of over-self-confidence. In Delhi Assembly, Congress has been on 0 (seats) for the last ten years, however, AAP gave Congress three seats in the Lok Sabha. Congress didn’t feel it important to take its alliance party along… pic.twitter.com/eMJg2ZB5YT

— Press Trust of India (@PTI_News) October 9, 2024

આમ આદમી પાર્ટીના રાષ્ટ્રીય પ્રવક્તા પ્રિયંકા કક્કડે આજે જણાવ્યું કે, અમે દિલ્હી વિધાનસભા ચૂંટણી એકલા હાથે લડીશું. એક તરફ અતિ આત્મવિશ્વાસી કોંગ્રેસ પક્ષ છે અને બીજી તરફ અત્યંત અહંકરી ભાજપ છે. અમે અમારૂ માથુ ઝુંકાવીને રાખીશું, અમારા છેલ્લા 10 વર્ષમાં કરેલા કામોને જાતે જ બોલવા દઈશું.

Aam Aadmi Party (AAP) has said that there will be no alliance with the Congress in Delhi

AAP spokesperson Priyanka Kakkar said that the party will contest the upcoming Delhi assembly elections on the basis of its achievements in the past 10 years

— AAP Report (@AAPReport) October 9, 2024

દિલ્હી વિધાનસભા ચૂંટણી 2025ની શરૂઆતમાં થવાનો અંદાજ છે. 2020ના વિધાનસભા ચૂંટણીમાં આપએ 70માંથી 62 બેઠકો જીતી હતી. અને ભાજપને આઠ બેઠકો મળી હતી.

અરવિંદ કેજરીવાલે શું કહ્યું...

અરવિંદ કેજરીવાલે હરિયાણામાં હાર પર નિવેદન આપ્યું હતું કે, હરિયાણા ચૂંટણીના પરિણામો પરથી અમને મોટો બોધપાઠ મળ્યો છે કે, ક્યારેય વધુ પડતો આત્મવિશ્વાસ ન હોવો જોઈએ. પક્ષના કાર્યકરોને દિલ્હી વિધાનસભા ચૂંટણી માટે અથાગ પ્રયાસો કરવા અપીલ છે. પ્રત્યેક ચૂંટણી અને પ્રત્યેક બેઠક મુશ્કેલ છે.