VIDEO: ઉજ્જૈનમાં મહાકાલ મંદિર પાસે મોટી દુર્ઘટના, દિવાલ ધરાશાઈ થતાં બે શ્રદ્ધાળુના મોત

Wall Collapsed in Mahakal Temple : મધ્ય પ્રદેશના ઉજ્જૈનમાં ભારે વરસાદ વચ્ચે મહાકાલ મંદિર પાસે દિવાલ ધરાશાઈ થઈ છે, જેમાં બે શ્રદ્ધાળુઓના મોત થયા હોવાના અહેવાલો સામે આવ્યા છે. હાલ પોલીસ અને ફાયર બ્રિગેડની ટીમ દ્વારા રાહત અને બચાવની કામગીરી ચાલી રહી છે, જેમાં કેટલાક ઈજાગ્રસ્તોને કાટમાળ હેઠળથી બહાર કાઢી તુરંત હોસ્પિટલ ખસેડાયા છે. મળતા અહેવાલો મુજબ મંદિરના ગેટ નંબર-4ની એક દિવાલ ધરાશાઈ થઈ છે, જેમાં હજુ પણ કેટલાક ફસાયા હોવાની આશંકા છે.

ભારે વરસાદ વચ્ચે દિવાલ ધરાશાઈ

મધ્યપ્રદેશમાં આજે અનેક ઠેકાણે વરસાદ ખાબક્યો હતો, તો ઉજ્જૈનમાં પણ હાલ ભારે વરસાદ પડી રહ્યો છે અને આ દરમિયાન મંદરના ગેટ નંબર-4ની દિવાલ ધરાશાઈ થઈ છે, જેના બે શ્રદ્ધાળુઓના મોત થયા છે. મંદરના ગેટ નંબર-4 પાસેની દિવાલ તૂટી પડ્યા બાદ કેટલાક શ્રદ્ધાળુઓ દબાયા હોવાની આશંકા વ્યક્ત કરવામાં આવી છે. હાલ રેસ્ક્યુ ટીમ પૂરજોશમાં રાહત અને બચાવની કામગીરી શરૂ કરી દીધી છે. ઘટના સ્થળે પોલીસનો કાફલો અને એમ્બ્યુલન્સો પણ પહોંચી ગઈ છે. આ દરમિયાન ઈજાગ્રસ્તોને તુરંત હોસ્પિટલ ખસેડવામાં આવ્યા છે.