VIDEO: હૈદરાબાદમાં ફટાકડાની દુકાનમાં ભીષણ આગ, બચવા માટે નાસભાગ મચી

Hyderabad Firecracker Fire : હૈદરાબાદના એબિડ્સ વિસ્તારમાં આજે (27 ઓક્ટોબર) ફટાકડાની દુકાનમાં ભીષણ આગ લાગી છે, જેના કારણે આસપાસના વિસ્તારમાં ભયનો માહોલ સર્જાયો હતો. આગ એટલી ભયાનક છે કે, દૂર દૂર સુધી આગના ગોટા જોવા મળી રહ્યા છે. આગના કારણે દુકાનની પાસે અનેક વાહનોને નુકસાન થયું છે. આગ પર કાબૂ મેળવવા માટે ફાયર બ્રિગેડના આઠ વાહનો ઘટનાસ્થળે પહોંચી ગયા છે.

10.52 PM : HYDERABAD (TELANGANA): FIRE BROKE OUT AT PARAS FIREWORKS IN SULTAN BAZAR AREA pic.twitter.com/TQBwVHlA3t

— Rajiv Kashyap (@kashyapRajiv) October 27, 2024

ભીષણ આગના કારણે અફરાતફરી

નજરે જોનારાઓએ કહ્યું કે, દુકાનમાં ફટાકડાનો મોટો જથ્થો હોવાના કારણે આગ ઝડપથી ફેલાઈ હતી. ભીષણ આગે આસપાસની દુકાનોને પણ ઝટપે લીધી છે. વિકરાળ આગના કારણે આસપાસની બિલ્ડિંગોને પણ નુકસાન થવાની સંભાવના હોવાથી તુરંત ખાલી કરાવી દેવાઈ છે. ઘટનાસ્થળે હાજર લોકોએ તાત્કાલિક પોલીસ અને ફાયર સર્વિસને જાણ કરી હતી.

#WATCH | Hyderabad, Telangana: District Fire Officer A Venkanna says, "We received a call at 9.18 pm. More guards were called as the fire was huge. The fire was controlled immediately and there are no injuries or casualties..." pic.twitter.com/6TdYONMFLb

— ANI (@ANI) October 27, 2024

ફટાકડાના ભયાનક અવાજોથી ભયનો માહોલ

ફાયર બ્રિગેડે આગને કાબુમાં લેવા માટે તમામ પ્રયાસો શરૂ કરી દીધા છે અને લગભગ એક કલાકની જહેમત બાદ આગ કાબૂમાં આવી ગઈ છે. અધિકારીઓએ કહ્યું કે, આગના કારણે અનેક ફટાકડામાં વિસ્ફોટ થયા છે, જેના કારણે સ્થિતિ વધુ ગંભીર બની છે. આસપાસના વિસ્તારમાં ધુમાડાના ગોટેગોટા અને ભયાનક અવાજો સંભળાતા ભયનો માહોલ સર્જાયો છે.  અત્યાર સુધી પ્રાપ્ત માહિતી મુજબ, આ ઘટનામાં ઈજાગ્રસ્ત થવાના કોઈ સમાચાર નથી. વહીવટીતંત્રે લોકોને ફટાકડાના ઉપયોગમાં સાવધાની રાખવા અને સુરક્ષિત સ્થળોએ જ ફટાકડા ખરીદવાની અપીલ કરી છે.