ઉત્તરાખંડ ટનલમાં 41 શ્રમિકોએ પોતાનું ધ્યાન ભટકાવવા માટે 17 દિવસ શું કર્યું? જાણો Internal અહેવાલ

નવી દિલ્હી,તા. 29 નવેમ્બર 2023, બુધવાર  

ઉત્તરાખંડમાં બની રહેલી ટનલમાં 12 નવેમ્બરે એક હિસ્સો ધસી પડ્યો હતો અને તેના કારણે 41 શ્રમિકો ફસાઈ ગયા હતા. જેમને 17 દિવસ બાદ મંગળવારે સહી સલામત ઉગારી લેવાયા હતા. મંગળવારે જ્યારે આ ઓપરેશન સફળતાપૂર્વક પુરુ થઈ રહ્યુ હતુ.

આ ટનલમાંથી સુરક્ષિત રીતે બચાવી લેવામાં આવેલા 41 શ્રમિકોએ મીડિયા સાથે વાતચીત કરી હતી. લોકોની પ્રાર્થના અને રેસ્ક્યુ ટીમની અથાગ મહેનતે આખરે આ મજદુરોને સહી સલામત બહાર આવતા જોવા માટે આખો દેશ રાહ જોઇ રહ્યો હતો. 

શ્રમિકોના બહાર આવ્યા પછી તેમણે મીડિયા સાથે વાતચીત કરી હતી. તેઓને પૂછવામાં આવ્યું કે તેઓ જમીનથી કેટલાય મીટર નીચે ફસાયા પછી પોતાનું ધ્યાન ભટકાવવા અને સમય પસાર કરવા માટે શું કર્યું? 

એક મજૂર ગબ્બર સિંહ નેગીએ કહ્યું, "અમે યોગા કરતા હતા, લુડો રમતા અને ભગવાનને પ્રાર્થના કરતા કે અમને જલ્દીથી બહાર કાઢો."

ગબ્બર સિંહ નેગીએ આગળ કહ્યું કે, કાટમાળ પડ્યો અને ટનલનો એક ભાગ બંધ થયો કે તરત જ અમે ચોંકી ગયા હતા. અવાજ એટલો જોરદાર હતો કે થોડીવાર માટે અમારા કાન સુન્ન થઈ ગયા. અમે સમજી ગયા કે અમે ફસાઈ ગયા છીએ. તેથી, અમારી તાલીમ મુજબ, અમે પ્રથમ પાણીની પાઇપ ખોલી જેથી તેઓને ખબર પડે. 18 કલાક સુધી આપણે બહારની દુનિયાથી સાવ કપાઈ ગયા. અમને ખબર ન હતી કે શું થશે.

ઘણા કલાકો પછી જ્યારે તેણે તેના ભાઈ સાથે વાત કરી તો તેના ભાઈએ એવો ડર વ્યક્ત કર્યો કે જો તે સમયે NDRF ત્યાં પહોંચી જાય તો શું થશે અને પહેલા બહાર નીકળવાની રેસમાં નાસભાગ મચી જશે. આવી સ્થિતિમાં તેમણે કહ્યું કે,હું સૌથી મોટો છું એટલે હું સૌથી છેલ્લે નીકળીશ.

નેગી આગળ જણાવે છે કે સિક્યોરિટી મેજરના કહેવા પ્રમાણે, પાણીની પાઈપ ખોલતાની સાથે જ બહારથી આવેલા લોકોએ તે જ પાઈપ દ્વારા અમને ઓક્સિજન મોકલવાનું શરૂ કરી દીધું હતું. આ સ્ટેન્ડર્ડ સિક્યોરિટી પ્રોસિઝરનો એક ભાગ હતો.

આ પણ વાંચો: