9 દિવસથી 41 મજૂર સુરંગમાં ફસાયા, બચાવવા બનાવાઈ રહ્યો છે 'એસ્કેપ પેસેજ', જાણો તે કેવી રીતે કરે છે કામ

Uttarakhand Tunnel Accident: ઉત્તરાખંડના ઉત્તરકાશીના સિલ્ક્યારા ગામમાં નિર્માણ થતી ટનલ તૂટી પડવાના કારણે 41 મજૂરો ફસાઈ ગયા છે. આ ઘટના 9 દિવસ પહેલા બની હતી અને ત્યારથી આ કામદારોને બચાવવાના પ્રયાસો થઈ રહ્યા છે. આ માટે અનેક પ્રકારના પ્રયાસો કરવામાં આવ્યા હતા. પરંતુ હવે જે માહિતી સામે આવી રહી છે તે મુજબ સુરંગમાં ફસાયેલા કામદારોને બચાવવા માટે એસ્કેપ પેસેજ બનાવવામાં આવી રહ્યો છે. તો જાણીએ આ એસ્કેપ પેસેજ શું છે?

શું હોય છે એસ્કેપ પેસેજ?

એસ્કેપ પેસેજ એટલે ઘણીવાર ટનલના બાંધકામ દરમિયાન બનાવવામાં આવતો રસ્તો. તેને એટલા માટે બનાવવામાં આવે છે કે જ્યારે પણ ટનલમાં કોઈ દુર્ઘટના થાય છે ત્યારે તેની મદદથી તેમાં ફસાયેલા લોકોને બચાવી શકાય છે. આ પ્રકારની ટનલ સ્કેપ એટલે કે એસ્કેપ પેસેજ ભારતમાં પહેલાથી જ અસ્તિત્વમાં છે.

#Uttarakhand | Drone visuals of under construction tunnel collapse in Uttarkashi, rescue operation underway pic.twitter.com/rfsvsqk0uY

— DD News (@DDNewslive) November 18, 2023

એસ્કેપ પેસેજ કઈ રીતે કામ કરે છે?

જ્યારે રોડ ટનલ અથવા રેલવે ટનલ બનાવવામાં આવે છે, ત્યારે તેની સાથે અન્ય ટનલ પણ બનાવવામાં આવે છે. જોકે, એસ્કેપ ટનલનું કદ મુખ્ય ટનલ કરતાં ઓછું છે. કારણ કે તેનો ઉપયોગ માત્ર કટોકટીની પરિસ્થિતિઓમાં જ થાય છે. બાકીના સમયમાં આ ટનલ બંધ રાખવામાં આવે છે. જો કે આ એસ્કેપ પેસેજ દરેક ટનલ સાથે નથી બનાવવામાં આવતું, પરંતુ જ્યાં અકસ્માતની શક્યતા વધારે હોય છે, ત્યાં તેને બનાવવામાં આવે છે. એસ્કેપ ટનલ ખાસ કરીને પહાડી રસ્તાઓ પર બનાવવામાં આવે છે.

જમ્મુ અને કાશ્મીરમાં પણ બનાવેલ છે આવી ટનલ

તાજેતરમાં, USBRLના કટરા-બનિહાલ સેક્શન એટલે કે ઉધમપુર શ્રીનગર બારામુલ્લા રેલ લિંક પ્રોજેક્ટ પર સુંબર અને ખારી સ્ટેશનો વચ્ચે ભારતની સૌથી લાંબી એસ્કેપ ટનલ T-49 બનાવવામાં આવી હતી. આ વિસ્તાર પહાડી છે અને અહીં અકસ્માત થવાની સંભાવના ખુબ જ છે. તેથી, મુખ્ય ટનલની સાથે, એક એસ્કેપ ટનલ પણ અહીં બનાવવામાં આવી હતી. આ એસ્કેપ ટનલ 12.895 કિલોમીટર લાંબી છે. જ્યારે મુખ્ય ટનલની વાત કરીએ તો તે માત્ર 12.75 કિલોમીટર લાંબી છે.