ઉત્તર પ્રદેશના મુઝફ્ફરનગરમાં કાર અને ટ્રક વચ્ચે ભયાનક અકસ્માત, છ લોકોના ઘટનાસ્થળે જ મોત

Road Accident in Muzaffarnagar : દેશમાં દિવસેને દિવસે અકસ્માતની બનાવમાં વધારો થઈ રહ્યો છે ત્યારે ઉત્તર પ્રદેશમાં વધુ એક અકસ્માતની ઘટના બની છે જેમાં છ લોકોના મોત થયાના અહેવાલ મળી રહ્યા છે. 

કાર અને ટ્રક વચ્ચે ટક્કર થતા અકસ્માતની ઘટના બની

ઉત્તર પ્રદેશના મુઝફ્ફરનગરમાં નેશનલ હાઈવે નંબર 58 પર એક ભયાનક માર્ગ અકસ્માત થયો છે. સુત્રોમાંથી મળતી માહિતી મુજબ એક પુરપાટ ઝડપે આવી રહેલી કાર ટ્રક સાથે અથડાતા અકસ્માતની ઘટના બની હતી. આ અકસ્માતમાં કારમાં સવાર તમામ 6 લોકોના ઘટનાસ્થળે જ કરૂણ મોત નિપજ્યા હતા. આ ઘટનાની માહિતી મળતા જ પોલીસની ટીમ તાત્કાલિક ઘટના સ્થળે પહોંચી ગઈ હતી. હાલ કારમાંથી તમામ મૃતદેહોને બહાર કાઢીને પોસ્ટમોર્ટમ માટે મોકલી દેવામાં આવ્યા છે. તમામ મૃતકો દિલ્હી શાહદરાના રહેવાસી હોવાનું જાણવા મળ્યું છે.