અયોધ્યામાં નિર્માણાધીન રામમંદિરની લેટેસ્ટ તસવીરો, સ્તંભ પર જોવા મળ્યું આકર્ષક નક્શીકામ

ઉત્તરપ્રદેશના અયોધ્યામાં નિર્માણ પામી રહેલા ભવ્ય રામમંદિરની આકર્ષક તસવીરો સામે આવી છે જેમાં રામમંદિરના સ્તંભ પર કરવામાં આવી રહેલા ભવ્ય નક્શીકામને જોઈ શકાય છે. રામજન્મ ભૂમિ ટ્રસ્ટના મહાસચિવ ચંપત રાયે આજે જ આ તસવીરો શેર કરી હતી. તેમાં મંદિરની અંદર બનાવાયેલા સ્તંભ પર કરવામાં આવી રહેલા સુંદર કોતરણી કામને જોઈ શકાય છે. 

Some more images capturing the intricate carving work underway on the ground floor pillars of Shri Ram Janmabhoomi Temple. pic.twitter.com/nHQtZLeVKm

— Champat Rai (@ChampatRaiVHP) September 16, 2023

અગાઉ પણ આવી ભવ્ય તસવીરો શેર કરી હતી 

માહિતી અનુસાર ચંપત રાયે રામમંદિરની આવી ભવ્ય તસવીરો અગાઉ પણ શેર કરી હતી. આ તસવીરને જોઈ લાગે છે કે જાણે તે મંદિરનો દરવાજો હોય જેના પર હાથીની મૂર્તિ કોતરવામાં આવી છે. શ્રીરામ જન્મભૂમિ ટ્રસ્ટના મહાસચિવ ચંપત રાય અનેકવાર તેમના સોશિયલ મીડિયા એકાઉન્ટ પર રામમંદિરની તસવીરો શેર કરતા રહે છે. 

Offering a glimpse of the finishing touches being given to the ground floor of Shri Ramjanmbhoomi temple. pic.twitter.com/FIFil3IUL5

— Champat Rai (@ChampatRaiVHP) September 15, 2023

મંદિરની ભવ્યતાનો અંદાજ આવી જશે 

ચંપત રાય દ્વારા શેર કરવામાં આવેલી તસવીરો પરથી તમને મંદિરની ભવ્યતા વિશે અંદાજ આવી જશે. રામ મંદિરના ગ્રાઉન્ડ ફ્લોરનું કામ લગભગ પૂરું થઈ ગયું છે. હવે રામમંદિરનું પ્રારૂપ પણ સ્પષ્ટ દેખાવા લાગ્યું છે. રામમંદિરમાં ભગવાન રામલલાની પ્રાણ પ્રતિષ્ઠા આગામી વર્ષે જાન્યુઆરીમાં પીએમ મોદીના હસ્તે થશે. જેની તૈયારીઓ અત્યારથી શરૂ થઈ ચૂકી છે.