VIDEO : અમેરિકન રાજદૂતે 'તૌબા તૌબા' ગીત પર કર્યો જોરદાર ડાન્સ, દિવાળીની ઉજવણીમાં જોડાયા

Eric Garcetti Dance : અમેરિકન રાજદૂત એરિક ગારસેટ્ટીએ દિલ્હીમાં દિવાળીના તહેવારની ઉજવણીમાં ભાગ લઈને બધાનું દીલ જીતી લીધું હતું. જેમાં અમેરિકન રાજદૂત હિંદી ફિલ્મનું જાણીતું ગીત 'તૌબા તૌબા' પર ડાન્સ કરી રહ્યાં હોવાનું વીડિયો સોશિયલ મીડિયામાં વાઈરલ થતા ભારતીય સહિત વિદેશી મહેમાનો પણ ડાન્સ જોઈને ચોંકી ગયા છે.

અમેરિકી દૂતાવાસ પર દિવાળી તહેવારની ઉજવણી

દિલ્હી સ્થિત અમેરિકી દૂતાવાસમાં દિવાળ તહેવાનું ભવ્ય આયોજન કરવામાં આવ્યું. જેમાં ભારતીય અને વિદેશી મહેમાનોએ પરંપરાગત પોશાકમાં ભાગ લીધો હતો. રંગબેરંગી દિવડા અને લાઈટ્સથી દૂતાવાસ જાણે મિની-ભારત બની ગયું હોય તેવું લાગી રહ્યું છે. સાંસ્કૃતિક કાર્યક્રમો અને પરંપરાગત નૃત્યોના ધામધૂમથી આ ઉજવણી વધુ વિશેષ બની હતી.

'તૌબા તૌબા' ગીત પર ડાન્સ કરતા અમેરિકન રાજદૂતે

આ કાર્યક્રમમાં અમેરિકન રાજદૂત એરિક ગારસેટ્ટીએ 'તૌબા તૌબા' ગીત પર જોરદાર ડાન્સ કર્યો, તેમના ડાન્સ મૂવ્સે ત્યાં હાજર દરેકના દિલ જીતી લીધા અને પ્રેક્ષકો તરફથી તાળીઓના ગડગડાટ સાંભળવામાં આવ્યા. સોશિયલ મીડિયા પર વીડિયો વાઈરલ થતાં લોકો તેમની સહજતા અને ભારતીય સંસ્કૃતિ પ્રત્યેના તેમના જોડાણની પ્રશંસા કરી રહ્યા છે.

આ પણ વાંચો : '2 કરોડ મોકલ નહીંતર જાનથી મારી નાખીશું...' બોલિવૂડ 'દબંગ' સ્ટાર સલમાનને ફરી મળી ધમકી

ગારસેટ્ટીના ડાન્સના વાઈરલ વીડિયોને લઈને ટ્વીટર અને ઈન્સ્ટગ્રામ પર કેટલાક યૂઝર્સે તેમના વખાણમાં લખ્યું કે, 'એરિક ગારસેટ્ટીએ સાબિત કર્યું કે સંગીત અને નૃત્યની કોઈ સીમા નથી.'