કેન્દ્રીય મંત્રી નિત્યાનંદ રાયના બે ભાણેજ વચ્ચે ગોળીબાર, એકનું મોત: પાણીના કારણે હતો વિવાદ

Firing in Bihar: કેન્દ્રીય ગૃહ રાજ્યમંત્રી નિત્યાનંદ રાયના બે ભાણેજ જયજીત યાદવ અને વિકલ યાદવે સામાન્ય વિવાદમાં એકબીજાને ગોળી મારી દીધી. આ ઘટનામાં વિકલનું ઘટના સ્થળે જ મૃત્યુ થયું જ્યારે જયજીતની સ્થિતિ નાજુક છે.

પાણીને લઈને શરૂ થયો વિવાદ

આ ઘટના નિત્યાનંદ રાયના બનેવી નવગછિયાના જગતપુર રહેવાસી ગુલ્લો યાદવના ઘરે ગુરુવારે સવારે થઈ. મળતી જાણકારી અનુસાર બંનેએ સામાન્ય વિવાદમાં એકબીજા પર ગોળી ચલાવી દીધી. પ્રત્યક્ષદર્શીઓ અનુસાર સવારે સાડા છ વાગે જયજીતને પાણી આપનાર નોકરે પાણી વાળા વાસણમાં હથેળી ડુબોડીને પાણી આપ્યુ હતુ, જેને લઈને વિકલ સાથે બોલાચાલી થવા લાગી.

વિકલે પિસ્તોલ કાઢીને ફાયરીંગ કર્યું

પહેલેથી પણ બંને ભાઈઓનું બનતું નહોતું. પાણીના સામાન્ય વિવાદમાં વિકલ ઘરની અંદરથી પિસ્તોલ કાઢીને લાવ્યો અને જયદીપના મોઢાને નિશાન બનાવીને ફાયર કરી દીધું. ગોળી જડબાને નુકસાન પહોંચીને નીકળી ગઈ. જયજીત પહેલા તો જમીન પર પડી ગયો પરંતુ થોડી મિનિટમાં તાકાત લગાવીને ઉઠ્યો અને વિકલથી અથડામણ કરીને તેના હાથમાંથી પિસ્તોલ છીનવી લીધી. તે બાદ તેને નજીકથી ગોળી મારી દીધી.

આ પણ વાંચો: શ્રી રામ જન્મભૂમિ ટ્રસ્ટે 4 મહિનામાં ખરીદી 36.61 કરોડની જમીન, 57 લાખનું વિદેશી દાન મળ્યું

જયજીતની હાલત નાજુક

આ ઘટનામાં વિકલનું ઘટના સ્થળે જ મોત નીપજ્યું. જોકે, આમાં શ્વાસ ચાલતો હોવાની આશામાં પરિવારજનોએ અફરા-તરફીમાં તેને પણ નવગછિયા હોસ્પિટલ પહોંચાડાયો, જ્યાં ડોક્ટરોએ તેને જોઈને મૃત જાહેર કરી દીધો. જયજીતની હાલત પણ વધુ લોહી નીકળી જવાના કારણે નાજુક છે. તેને શ્રેષ્ઠ સારવાર માટે ડોક્ટરોએ બહાર લઈ જવા માટે કહ્યું છે, જેના કવાયત શરૂ કરી દેવાઈ છે. ઘટનાની જાણકારી પર રેન્જ આઈજી વિવેક કુમારે નવગછિયા એસપીને સ્થિતિની જાણકારી લઈને તમામ સુરક્ષાત્મક ઉપાય કરવા માટે કહ્યું છે.

પોલીસે તપાસ શરૂ કરી

નવગછિયા પરબત્તા પોલીસે ઘટનાની તપાસ શરૂ કરી દીધી છે. પોલીસ ટીમ એફએસએલ ટીમને માહિતી આપીને ઘટના સ્થળની સ્ટાઈલ અને વીડિયોગ્રાફી કરાવવામાં આવી. આ સાથે જ ઈલેક્ટ્રોનિક પુરાવા એકઠા કરીને શરૂઆત કરી દીધી છે.