તેલંગાણાના રાજ્યપાલ તમિલિસાઈ સુંદરરાજને આપ્યું રાજીનામું, તમિલનાડુમાંથી લડી શકે લોકસભા ચૂંટણી

Lok Sabha Election 2024: તેલંગાણાના રાજ્યપાલ તમિલિસાઈ સુંદરરાજને પોતાના પદ પરથી રાજીનામું આપી દીધું છે. આ સાથે તેમણે પુડુચેરીના  ઉપરાજ્યપાલનું પદ પણ છોડી દીધું છે. ત્યારે એવું માનવામાં આવે છે કે તમિલિસાઈ સુંદરરાજન ફરી એકવાર લોકસભા ચૂંટણી લડી શકે છે.

તમિલિસાઈ સુંદરરાજનને નવેમ્બર 2019માં તેલંગાણાના રાજ્યપાલ તરીકે નિમણૂક કરવામાં આવ્યા હતા. આ પછી તેમને ફેબ્રુઆરી 2021માં પુડુચેરીના ઉપરાજ્યપાલનો વધારાનો હવાલો સોંપવામાં આવ્યો હતો.

તમિલિસાઈ સુંદરરાજન ચૂંટણી લડવાના મૂડમાં

અહેવાલો અનુસાર, તમિલિસાઈ સુંદરરાજન આ વખતે ભાજપની ટિકિટ પર તમિલનાડુથી લોકસભા ચૂંટણી લડી શકે છે. કહેવામાં આવી રહ્યું છે કે ભાજપ તેમને ડીએમકે નેતા કનિમોઝી સામે પણ મેદાનમાં ઉતારી શકે છે. સુંદરરાજન 2019ની ચૂંટણી લડ્યા હતા. જો કે તેને હારનો સામનો કરવો પડ્યો હતો. જ્યારે, 2009 માં, તે ચેન્નાઈ (ઉત્તર) બેઠક પરથી ઉમેદવાર હતી. જોકે, અહીં તેમને ડીએમકેના ટીકેએસ ઈલંગોવન સામે હાર્યા હતા.