બેન્ક ખાતામાં 32000, શેરબજારમાં 9 લાખ... જાણો AAPના ચર્ચિત મહિલા સાંસદ પાસે કેટલી છે સંપત્તિ?

Swati Maliwal Net Worth: આપ સાંસદ સ્વાતિ માલીવાલ અરવિંદ કેજરીવાલના પીએ દ્વારા મારપીટ અને ગેરવર્તૂણક કરવાના આરોપ બદલ ચર્ચામાં છે. સાથે સાથે દિલ્હી મહિલા આયોગની અધ્યક્ષ રહી ચૂકેલા સ્વાતિ માલીવાલના પદ, પોઝિશન અને સંપત્તિ પર ચર્ચામાં આવી છે. 

સ્વાતિ માલીવાલે આ વર્ષે જાન્યુઆરીમાં રાજ્યસભા ચૂંટણીમાં જારી કરેલા એફિડેવિટમાં પોતાની સંપત્તિની વિગતો જારી કરી હતી. જેમાં તે રોકડ ઉપરાંત શેરબજારમાં પણ રોકાણ ધરાવે છે.

આટલી સંપત્તિ ધરાવે છે માલીવાલ

એડીઆરના રિપોર્ટ અનુસાર, આ વર્ષે જાન્યુઆરીમાં સ્વાતિ માલીવાલે ચુંટણીની એફિડેવિટમાં રૂ. 32 હજારની બેન્ક ડિપોઝીટ, શેરબજારમાં રૂ. 8,90,811નું રોકાણ દર્શાવ્યું છે. તેમજ 3 લાખનું પોસ્ટ ઓફિસ સેવિંગ્સ ફંડ અને એલઆઈસીમાં રૂ. 17138નું રોકાણ ધરાવે છે.

સ્વાતિ માલીવાલ પાસે રૂ. 6,62,450ના સોનાના ઘરેણાં છે. આ સાથે તે કુલ રૂ. 1922519ની સંપત્તિ ધરાવે છે. જો કે, નાણાકીય વર્ષ 2022-23માં તેણે ઈનકમ ટેક્સ રિટર્નમાં રૂ. 2412470ની સંપત્તિ દર્શાવી હતી. 

નોંધનીય છે કે સ્વાતિ માલીવાલે બિભવ કુમાર પર 13 મેના રોજ મુખ્યમંત્રી હાઉસમાં તેની સાથે મારપીટ કરવાનો આરોપ લગાવ્યો હતો. સ્વાતિની ફરિયાદ પર, દિલ્હી પોલીસે ગુરુવારે આ સંબંધમાં આરોપી બિભવ કુમાર વિરુદ્ધ નામની એફઆઈઆર નોંધી હતી. દિલ્હી પોલીસે બિભવ કુમારની ધરપકડ કરી છે.