ISROએ Spadex મિશનને લઈને આપી મોટી અપડેટ, કહ્યું- 'સામાન્ય સ્થિતિમાં આવી બંને સેટેલાઈટ'

Spadex Mission: ઈન્ડિયન સ્પેસ રિસર્ચ ઓર્ગેનાઈઝેશન (ISRO)એ શનિવાર (11 જાન્યુઆરી, 2025)એ સ્પેડેક્સ પ્રોજેક્ટ પર નવી અપડેટ શેર કરતા જણાવ્યું કે, મિશનમાં સામેલ બે અંતરિક્ષયાન સામાન્ય સ્થિતિમાં છે. ISROએ 'X' પર પોસ્ટમાં માહિતી આપતા જણાવ્યું કે, ઇન્ટર સેટેલાઇટને 230 મીટરની દૂર (ISD) પર રોક લગાવી દીધી છે, તમામ સેન્સરની તપાસ કરવામાં આવી રહી છે. અંતરિક્ષયાન સુરક્ષિત છે.

આ પણ વાંચો: ISRO ના નવા ચીફ તરીકે વી.નારાયણનના નામની જાહેરાત, જાણો ક્યારથી સંભાળશે હોદ્દો?

બેંગલુરૂ સ્થિત નેશનલ સ્પેસ એજન્સીએ શુક્રવાર (10 જાન્યુઆરી, 2025)એ કહ્યું હતું કે, બંને અંતરિક્ષ યાનને હોલ્ડ મોડ પર રખાયા હતા અને એકબીજાથી તેમનું અંતર 1.5 કિલોમીટર દૂર હતું. પોસ્ટમાં ISRO તરફથી કહેવાયું હતું કે, કાલે (શનિવાર) સવાર સુધીમાં 500 મીટરના અંતરે આગળ વધવાની યોજના છે.

બીજા મિશન માટે રસ્તો બનાવશે ISROનો આ પ્રયોગ

હવે તમને એ પણ જણાવી દઈએ કે, ISROનું આ મિશન શું છે? સ્પેડેક્સ મિશન ગત વર્ષ 30 ડિસેમ્બરે લોન્ચ કરાયું હતું. આ મિશન હેઠળ ISRO બે અંતરિક્ષ યાને ડૉક કરવાનો પ્રયાસ કરશે, જેને SDX01 (ચેજર) અને SDX02 (ટાર્ગેટ) નામ અપાયું છે. ISROનો આ પ્રયોગ ભારતના ભવિષ્યના અંતરિક્ષ મિશનો જેવા કે ચંદ્રયાન-4, ગગનયાન અને તે પ્રસ્તાવિત ભારતીય અંતરિક્ષ મથક વગેરે માટે માર્ગ મોકળો કરશે.

ડોકિંગ પહેલા બે વાર મુલતવી રાખવામાં આવ્યું હતું

હવે હું તમને એ પણ જણાવું કે આ ડોકિંગ શું છે? ડોકિંગ એ એક અત્યંત જટિલ પ્રક્રિયા છે જે અત્યાર સુધી ફક્ત યુનાઇટેડ સ્ટેટ્સ અમેરિકા, રશિયા અને ચીન જ હાંસલ કરી શક્યા છે. જોકે, SpadeX મિશન લોન્ચ કર્યા પછી, ISROને ડોકીંગ પ્રક્રિયા બે વાર મુલતવી રાખવી પડી.

આ પણ વાંચો: ઇસરોને અંતરિક્ષમાં વનસ્પતિનાં બીજ ઉગાડવાના પ્રયોગમાં પહેલા જ પ્રયાસે સોનેરી સફળતા મળી

આ પ્રયોગ 6 જાન્યુઆરીના રોજ નક્કી થયો હતો, પરંતુ ISROને જાણવા મળ્યું કે તે દિવસે અવલોકન કરાયેલા દૃશ્યોના આધારે ગ્રાઉન્ડ સિમ્યુલેશન દ્વારા ડોકિંગ પ્રક્રિયાને વધુ માન્યતાની જરૂર છે, તેથી તેને 9 જાન્યુઆરી સુધી મુલતવી રાખવામાં આવ્યો. આ પછી, 8 જાન્યુઆરીના રોજ પણ પ્રયોગ ફરીથી મુલતવી રાખવામાં આવ્યો. તે સમયે જાણવા મળ્યું કે પ્રવાહ જરૂર કરતાં વધુ ઝડપી હતો.