મહારાષ્ટ્રમાં જીતની ઉજવણી વચ્ચે લાગી ભયાનક આગ, નવા ચૂંટાયેલા અપક્ષ ઉમેદવાર સહિત મહિલાઓ ઘાયલ

Maharastra Election Results news | મહારાષ્ટ્ર વિધાનસભા ચૂંટણીના પરિણામો શનિવારે જાહેર થયા. પરિણામોની જાહેરાત બાદ રાજ્યના ચાંદગઢ વિધાનસભા ક્ષેત્રમાંથી એક આશ્ચર્યજનક ઘટના પ્રકાશમાં આવી છે. જ્યાં શિવાજી પાટીલ અપક્ષ ઉમેદવાર તરીકે જીત્યા હતા. રાત્રે શિવાજી પાટીલની જીતની ઉજવણી દરમિયાન અચાનક આગ ફાટી નીકળી હતી જેમાં પાટીલ પોતે ઘાયલ થયા હતા.

વિજય સરઘસમાં બની ઘટના... 

એક પ્રત્યક્ષદર્શીએ જણાવ્યું કે સરઘસમાં ભાગ લઈ રહેલી કેટલીક મહિલાઓને પણ ઈજા થઈ હતી. આ ઘટનાનો વીડિયો સોશિયલ મીડિયા પર વાયરલ થયો છે જ્યારે મહગાંવમાં કેટલીક મહિલાઓ શિવાજી પાટીલની આરતી કરી રહી હતી. આ દરમિયાન ક્રેનમાંથી તેમની આરતી પ્લેટ પર મોટી માત્રામાં 'ગુલાલ' પડ્યો હતો, જેના કારણે આગ ભડકી હતી. 

એનસીપીના બંને ઉમેદવારોને હરાવ્યાં 

ત્યારપછી આગ ફેલાઈ હતી જેમાં શિવાજી પાટીલની સાથે કેટલીક મહિલાઓ પણ દાઝી ગઈ હતી. ચાંદગઢ વિધાનસભા સીટ પર અપક્ષ ઉમેદવાર શિવાજી પાટીલ એનસીપી અજિત પવાર અને એનસીપી શરદ પવાર સામે ટક્કર આપી રહ્યા હતા, પરંતુ તેમણે બંને પક્ષોના ઉમેદવારોને કારમી હાર આપતાં 24134 મતોથી ચૂંટણી જીતી હતી. અજિત પવારની એનસીપીના રાજેશ પાટીલ બીજા ક્રમે હતા.