પહેલીવાર રશિયાનું એડવાન્સ્ડ ફાઈટર જેટ ભારત આવશે, ડીલ થશે તો ચીન-પાક.ની વધશે મુશ્કેલી

Aero India 2025: રશિયાનું સૌથી અદ્યતન પાંચમી પેઢીનું સ્ટીલ્થ ફાઈટર જેટ Su-57 એરો ઈન્ડિયા 2025માં જોડાઈ શકે છે. રશિયા સતત Su-57ની શક્તિ બતાવવાનો પ્રયાસ કરી રહ્યું છે. તે આ દ્વારા ભારતીય લશ્કરી અધિકારીઓ અને સરકારને સતત પ્રભાવિત કરવાનો પ્રયાસ કરી રહ્યો છે.

ચીન અને પાકિસ્તાનની મુશ્કેલીઓ ઘણી વધી જશે

શું ફક્ત વિમાનો જ ખરીદવામાં આવશે? અથવા ટેકનોલોજી ટ્રાન્સફર હેઠળ તેનું ઉત્પાદન ભારતમાં પણ કરવામાં આવશે. કારણ કે જો ઉત્પાદન થશે તો દેશમાં મેક ઈન ઈન્ડિયા પ્રોજેક્ટને વેગ મળશે. અને રોજગારની તક પણ. ભારતમાં બનેલા ફાઇટર જેટના વેચાણથી પણ દેશને ફાયદો થશે. જો ભારત રશિયા સાથે આ ફાઇટર જેટનો સોદો કરે છે, તો ચીન અને પાકિસ્તાનની મુશ્કેલીઓ ઘણી વધી જશે. તો જાણીએ આ ફાઇટર જેટની ખાસિયત વિશે...

ખતરનાક સ્પીડ અને ઘાતક હથિયારોથી લેસ

સ્ટીલ્થ ફાઈટર જેટ Su-57ની સ્પીડ 2600 કિમી પ્રતિકલાક છે. આ ઉપરાંત Su-57માં 12 હાર્ડપોઇન્ટ છે. તે વિવિધ ટૂંકા, મધ્યમ અને લાંબા અંતરની હવાથી હવામાં પ્રહાર કરતી મિસાઇલો અને ગાઈડેડ એરિયલ બોમ્બ લઈ જઈ શકે છે.

યુક્રેન પર હજારો બોમ્બ અને મિસાઇલો ફેંકાયા

Su-57માં ફીટ કરાયેલ R-37M મિસાઇલ રશિયાની અત્યાધુનિક ટેકનોલોજી ધરાવતું હથિયાર છે. રશિયાએ યુક્રેન યુદ્ધમાં આ મિસાઈલનો ઉપયોગ કર્યો હતો. Su-57ની સ્ટીલ્થ સિસ્ટમ સ્પીડ ઘટાડ્યા વિના અને મનુવરેબિલિટીને નુકસાન પહોંચાડ્યા વીને કામ કરે છે. 

આ પણ વાંચો: જાણીતા કોમેડિયને બિગ બીની સંપત્તિમાં માગ્યો હિસ્સો, સૂર્યવંશમ અંગે ટ્રોલ કરતાં અમિતાભ ખડખડાટ હસ્યા

સુપરસોનિક મલ્ટીરોલ ફાઇટર

રશિયન ફાઇટર જેટ એક મલ્ટી-રોલ ફાઈટર જેટ છે. તે અનેક પ્રકારના ઓપરેશનને પાર પાડી શકે છે. Su-57ની કોમ્બેટ રેન્જ 1250 કિલોમીટર છે. તે મહત્તમ 66 હજાર ફૂટની ઊંચાઈ સુધી પહોંચી શકે છે. સ્ટીલ્થ ફાઈટર જેટ Su-57 સુપરસોનિક છે. આ ફાઇટર જેટની લંબાઈ 65.11 ફૂટ, વિંગસ્પેન 46.3 ફૂટ અને ઊંચાઈ 15.1 ફૂટ છે. સુપરસોનિક રેન્જ 1500 કિમી છે.

રશિયા-ભારત સંબંધો વધુ મજબૂત બનશે

રશિયા સાથે ભારતના રાજદ્વારી અને વ્યૂહાત્મક સંબંધોની મજબૂતાઈ દર્શાવશે. આ ભારતના ભવિષ્યના ફાઇટર જેટ માટે નવા વિચારો લાવશે. જો આ ફાઇટર જેટનો લાઇવ ડેમો ભારતમાં થાય છે, તો ભારતીય સંરક્ષણ નિષ્ણાતો, સંરક્ષણ અધિકારીઓ અને ઈજનેરો તેમાંથી શીખશે. આનાથી ભારતના ફાઇટર જેટ ઉદ્યોગને પ્રોત્સાહન મળી શકે છે.