ફરી બોલ્યાં મોહન ભાગવત, 'ધર્મને યોગ્ય રીતે સમજવાની જરૂર, નહીંતર અધૂરી જાણકારી અધર્મનું કારણ બને'

RSS Chief Mohan Bhagwat Speaks on Dharma: રાષ્ટ્રીય સ્વયંસેવક સંઘ (RSS)ના વડા મોહન ભાગવતે મહાનુભાવ આશ્રમ શતકપૂર્તિ સમારોહમાં ધર્મનો સાચો અર્થ સમજવાની જરૂરિયાત પર ભાર મૂક્યો હતો. તેમણે જણાવ્યું હતું કે, 'ધર્મને યોગ્ય રીતે સમજવો અને શીખડાવવો ખૂબ જ જરૂરી છે. ધર્મનું અધૂરું જ્ઞાન 'અધર્મ' તરફ દોરી જાય છે. જો ધર્મને યોગ્ય રીતે નહીં સમજાય તો અધૂરી માહિતીને કારણે અનીતિ વધશે. દુનિયામાં ધર્મના નામે જે પણ અત્યાચાર અને અત્યાચાર થયા છે, તે ધર્મની ખોટી સમજને કારણે થયા છે.'

મોહન ભાગવતે ધર્મનું યોગ્ય અર્થઘટન કરી લોકો સુધી યોગ્ય રીતે પહોંચાડવા અપીલ કરી

મહારાષ્ટ્રના અમરાવતી મહાનુભાવ આશ્રમ શતકપૂર્તિ સમારોહ દરમિયાન રાષ્ટ્રીય સ્વયંસેવક સંઘના વડા મોહન ભાગવતે  સમાજને ધર્મનું યોગ્ય અર્થઘટન કરી લોકો સુધી યોગ્ય રીતે પહોંચાડવા અપીલ કરી હતી. તેમણે જણાવ્યું હતું કે, 'ધર્મની ગેરસમજને કારણે દુનિયામાં અત્યાચારો થયા છે. ધર્મનું યોગ્ય અર્થઘટન કરતો સમાજ હોવો જરૂરી છે. ધર્મ ખૂબ જ મહત્ત્વપૂર્ણ છે.

આ પણ વાંચો: 'મજબૂર ના કરશો નહીંતર સીએમ-ગૃહમંત્રીના ઘરે હલ્લાબોલ કરીશું', કરણી સેના-AAPની ચિમકી

મોહન ભાગવતે જણાવ્યું હતુ કે, 'ધર્મનો યોગ્ય ઉપદેશ અને પ્રચાર-પ્રસાર સમાજમાં શાંતિ અને સૌહાર્દ લાવી શકે છે.' ઉપરાંત તેમણે તમામ સંપ્રદાયોને તેમના ધર્મને સચોટ અને સ્પષ્ટ રીતે સમજાવવા વિનંતી કરી હતી જેથી કરીને ધર્મના નામે વિવાદો અને હિંસા અટકાવી શકાય.

આરએસએસના વડાએ જણાવ્યું હતું કે, 'ધર્મના નામે તમામ દુનિયામાં અત્યાચાર ધર્મ વિશેની ગેરસમજને કારણે થાય છે, તેથી જ સંપ્રદાયો માટે કામ કરવું અને તેમના ધર્મને સમજાવવું જરૂરી છે.'