મોર્નિંગ વૉક વખતે દિગ્ગજ નેતાને દોડાવી-દોડાવી ગોળીઓ મારી, બિહારમાં રાજકારણ ગરમાયું

RJD Leader shot in Bihar: બિહારના મુંગેરમાં રાષ્ટ્રીય જનતા દળ (RJD)ના વરિષ્ઠ નેતા રાજ્ય મહાસચિવ પંકજ યાદવને બાઇક પર સવાર ત્રણ શખસોએ ગોળી મારી હતી. દરરોજની જેમ પંકજ યાદવ સવારે 5 વાગે મુંગેર એરપોર્ટ વિસ્તારમાં મોર્નિંગ વોક માટે નીકળ્યા હતા. આ દરમિયાન બાઇક પર સવાર ત્રણ શખસોએ તેમના પર ફાયરિંગ કર્યું હતું. જેમાં એક ગોળી પંકજ યાદવની છાતીમાં વાગી હતી.

આરજેડીના નેતાઓમાં ભારે રોષ

આરજેડી નેતા પંકજ યાદવને ગંભીર હાલતમાં મુંગેરની એક ખાનગી હોસ્પિટલમાં દાખલ કરવામાં આવ્યા છે. મામલાની માહિતી મળતા જ પોલીસે કાર્યવાહી શરૂ કરી દીધી છે. જો કે, પ્રદેશ મહાસચિવને ગોળી માર્યા બાદ આરજેડી નેતાઓમાં ભારે રોષ જોવા મળી રહ્યો છે. પાર્ટીના નેતાઓએ આરોપ લગાવ્યો છે કે, 'મુંગેર પોલીસ પ્રશાસન ગુનાખોરીને અંકુશમાં લેવામાં નિષ્ફળ રહ્યું છે. જિલ્લામાં હત્યાનો સિલસિલો યથાવત છે.'

सुशासन के दुशासन से निजात की आस लगाती है।आज द्रौपदी चिल्लाती है। #Crime #Bihar pic.twitter.com/3KZ9Z19Uzr

— Tejashwi Yadav (@yadavtejashwi) September 28, 2024

આ પણ વાંચો: ધાર્મિક સ્વતંત્રતા રિપોર્ટમાં અમેરિકાએ ફરી ભારત વિરુદ્ધ ઝેર ઓક્યું, ખાસ ચિંતાવાળો દેશ ગણાવ્યો

કાયદો અને વ્યવસ્થા મુદ્દે તેજસ્વીના પ્રહાર 

રાષ્ટ્રીય જનતા દળના નેતા તેજસ્વી યાદવ બિહારમાં કાયદો અને વ્યવસ્થાના મુદ્દે સતત અવાજ ઊઠાવી રહ્યા છે. આ મુદ્દે પાર્ટીએ રાજભવન સુધી કૂચ પણ કરી હતી. સોશિયલ મીડિયા પર, તેજસ્વી છેલ્લા કેટલાક દિવસોથી સતત બિહારમાં અપરાધની ઘટનાઓની ગણતરી કરી રહી છે. તેજસ્વી યાદવે 'X' પર લખ્યું હતું કે, 'સુશાસનથી ખરાબ શાસનથી છુટકારો મળવાની આશા છે. આજે દ્રૌપદી ચીસો પાડે છે.'