VIDEO: અટારી-વાઘા બોર્ડર પર ગણતંત્ર દિવસે જશ્નનો માહોલ, બીટિંગ ધ રિટ્રીટમાં જવાનોનું શક્તિ પ્રદર્શન

Attari Wagah Border: સમગ્ર દેશમાં આજે( 26મી જાન્યુઆરી) ગણતંત્ર દિવસની ઉજવણી થઈ રહી છે. આ તબક્કે પંજાબના અમૃતસર જિલ્લામાં આવેલા અટારી-વાઘા બોર્ડર પર દેશભક્તિ અને ગર્વનો અદભુત સંગમ જોવા મળી રહ્યો છે. અહીં બીટિંગ ધ રિટ્રીટ કાર્યક્રમમાં BSFના જવાનોની દેશભક્તિથી ભરી દેનારી એક્શન જોવા મળી.

વાઘા બોર્ડર પર તિરંગો ફરકાવાયો

અટારી-વાઘા બોર્ડર પર BSFના જવાનોએ તિરંગો ફરકાવ્યો. BSF કમાન્ડેન્ટ હર્ષ નંદન જોશીએ તમામ નાગરિકોને ગણતંત્ર દિવસની શુભકામનાઓ આપી. કમાન્ડેન્ટ જોશીએ જવાનોને મિઠાઈ ખવરાવી અને તેનું મોં મીઠું કરાવ્યું. આ દરમિયાન તેમણે કહ્યું કે, કોઈને પણ દેશની સુરક્ષા વ્યવસ્થા સાથે છેડછાડ કરવાની મંજુરી આપવામાં નહીં આવે, ભલે તે પાડોશી દેશ કેમ ન હોય.