રાજસ્થાનની 25 પૈકી ભાજપ 14 અને કોંગ્રેસ આઠ બેઠક પર આગળ, અન્ય ત્રણ પક્ષને એક-એક

Lok Sabha Elections 2024: લોકસભા ચૂંટણીની મતગણતરીનું પરિણામ આજે (ચોથી જૂન) જાહેર થશે છે. રાજસ્થાનની તમામ 25 લોકસભા બેઠક પર મતગણતરી ચાલી રહી છે. રાજસ્થાનની 25 પૈકી ભાજપ 14 અને કોંગ્રેસ આઠ બેઠક પર આગળ છે. બાંસવાડામાં ભારત આદિવાસી પાર્ટીના રાજકુમાર રોટ ભાજપના મહેન્દ્ર જીત સિંહ માલવિયાથી આગળ છે. કોંગ્રેસના ઉમેદવાર ઉમેદારામ બેનીવાલ બાડમેરથી રવિન્દ્ર સિંહ ભાટીને હરાવીને 1 લાખ મતોથી આગળ છે. આવી સ્થિતિમાં ભાજપના મિશન 25 પર તલવાર લટકી રહી છે.

આ બેઠકના ​​પરિણામો પહેલા આવશે

રાજસ્થાનની 25 લોકસભા બેઠકના ​​તમામ ઉમેદવારોના ભાવિનો નિર્ણય ટૂંક સમયમાં જાહેર થશે. આ દરમિયાન બિકાનેર અને ટોંક-સવાઈ માધોપુર બેઠકના પરિણામો પહેલા જાહેર થવાની સંભાવના છે. ટોંક-સવાઈ માધોપુરમાં કુલ આઠ વિધાનસભા મતવિસ્તારોનો સમાવેશ થાય છે. ગંગાપુર સિટી, બામનવાસ, સવાઈ માધોપુર અને ખંડાર વિધાનસભા મતવિસ્તારમાં 18 રાઉન્ડની મતગણતરી થશે. માલપુરા, નિવાઈમાં 20-20 રાઉન્ડ અને ટોંક, દેવલી-ઉનિયારામાં 19-19 રાઉન્ડ હેઠળ મતગણતરી કરવામાં આવશે. ટોંક સવાઈ માધોપુર લોકસભા બેઠક માટે કુલ 150 રાઉન્ડની મતગણતરી થશે. જે રાજસ્થાનની અન્ય લોકસભા બેઠકની સરખામણીમાં સૌથી ઓછી છે.

ભાજપ અને કોંગ્રેસના આ દિગ્ગજ નેતાઓની પ્રતિષ્ઠા દાવ પર

લોકસભા ચૂંટણીના પરિણામોને લઈને કોંગ્રેસ અને ભાજપના અનેક વરિષ્ઠ નેતાઓની પ્રતિષ્ઠા દાવ પર લાગી છે. આમાં લોકસભા સ્પીકર ઓમ બિરલા, કેન્દ્રીય મંત્રી ગજેન્દ્ર સિંહ શેખાવત, ભૂપેન્દ્ર યાદવ, અર્જુન રામ મેઘવાલ, મહેન્દ્રજીત સિંહ માલવિયા અને અપક્ષ ઉમેદવાર રવિન્દ્ર સિંહ ભાટીની પ્રતિષ્ઠા દાવ પર છે.  આ ઉપરાંત પૂર્વ મુખ્યમંત્રી અશોક ગેહલોત, વસુંધરા રાજે, કિરોરી લાલ મીણા, સચિન પાયલોટ, ગોવિંદ સિંહ દોતાસરા, મુરારી લાલ મીણા, હરીશ ચૌધરી, રાહુલ કાસવાન, હનુમાન બેનીવાલ, ઉદય લાલ અંજના સહિતના નેતાઓની પ્રતિષ્ઠા પણ દાવ પર છે.