PM મોદીની યાદશક્તિ જતી રહી લાગે છે, અમે જે બોલીએ એ જ...: મહારાષ્ટ્રમાં રાહુલ ગાંધીનો કટાક્ષ

Maharashtra Assembly Election 2024: મહારાષ્ટ્ર વિધાનસભા ચૂંટણીની તારીખ હવે ખૂબ નજીક છે. મતદાનની તારીખ 20મી નવેમ્બર છે. પરિણામ 23મી નવેમ્બરે જાહેર કરવામાં આવશે. આ દરમિયાન તમામ રાજકીય પક્ષો મતદારોને રીઝવવાના પ્રયાસમાં વ્યસ્ત છે અને એકબીજા પર પ્રહારો કરી રહ્યા છે. આ દરમિયાન કોંગ્રેસ નેતા રાહુલ ગાંધી પ્રચાર માટે અમરાવતી પહોંચ્યા હતા. આ દરમિયાન રાહુલ ગાંધીએ જાહેર સભાને સંબોધતા વડાપ્રધાન નરેન્દ્ર મોદી અને ભાજપ પર જોરદાર નિશાન સાધ્યું હતું.

'મહારાષ્ટ્ર સરકાર ચોરાઈ ગઈ'

અમરાવતીમાં જાહેર સભાને સંબોધતા કોંગ્રેસ નેતા રાહુલ ગાંધીએ જણાવ્યું હતું કે, 'મહારાષ્ટ્રની જનતાની સરકાર કરોડો રૂપિયા આપીને ચોરી કરવામાં આવી હતી. આજે મહારાષ્ટ્રનો દરેક વ્યક્તિ જાણે છે કે તે સરકાર શા માટે ચોરાઈ હતી. આ ધારાવીને કારણે થયું હતું, કારણ કે પીએમ મોદી અને ભાજપના લોકોએ તમે તમારા મિત્ર ગૌતમ અદાણીને મહારાષ્ટ્રના ગરીબોની 1 લાખ કરોડ રૂપિયાની જમીન આપવા માંગતા હતા એટલે તમારા હાથમાંથી મહારાષ્ટ્ર સરકાર છીનવાઈ ગઈ છે.'

આ પણ વાંચો: સુખબીર સિંહ બાદલે શિરોમણી અકાલી દળના અધ્યક્ષ પદેથી આપ્યું રાજીનામું, હવે કોણ હશે નવા ચીફ?

આ દરમિયાન રાહુલ ગાંધીએ વધુમાં કહ્યું કે, 'મારી બહેન મને કહેતી હતી કે તેણે મોદીજીનું ભાષણ સાંભળ્યું હતું અને તે ભાષણમાં આપણે જે પણ બોલીએ છીએ, મોદીજી આજકાલ તે જ કહી રહ્યા છે. મને ખબર નથી, કદાચ તેમણે યાદશક્તિ ગુમાવી દીધી છે.'

મહારાષ્ટ્રમાં ચોરની સરકાર છે: દિગ્વિજય સિંહ 

અગાઉ કોંગ્રેસના નેતા દિગ્વિજય સિંહે કહ્યું હતું કે, 'મહારાષ્ટ્રમાં ચોરની સરકાર છે. આ મહારાષ્ટ્રની જનતાની સરકાર નથી જે મહારાષ્ટ્રના લોકો છે. રાજ્યમાં મહાવિકાસ અઘાડીની સરકાર બનવા જઈ રહી છે.'