ટૂંક જ સમયમાં લગ્ન કરશે રાહુલ ગાંધી, રાયબરેલીની ચૂંટણી સભામાં મંચથી કરી જાહેરાત

Rahul Gandhi Marriage: રાયબરેલી લોકસભા બેઠકથી કોંગ્રેસ ઉમેદવાર રાહુલ ગાંધી અને કોંગ્રેસ મહા સચિવ પ્રિયંકા ગાંધી વાડ્રા રાયબરેલી પહોંચ્યા છે. આ દરમિયાન આજે કોંગ્રેસ નેતા રાહુલ ગાંધીએ રાયબરેલીમાં રેલી કરી. તેમની સાથે કોંગ્રેસ મહાસચિવ પ્રિયંકા ગાંધી વાડ્રા પણ હાજર હતા. આ દરમિયાન સભાથી રાહુલ ગાંધી લગ્નને લઈને સવાલ પૂછાયા, જેના પર તેમણે જણાવ્યું કે તેઓ ક્યારે લગ્ન કરશે.

રાહુલ ગાંધીએ લગ્ન અંગે કરી જાહેરાત 

ચૂંટણી રેલી દરમિયાન એક બાળકે રાહુલ ગાંધીથી તેમના લગ્નને લઈને સવાલ કરાયો હતો. આ સવાલનો જવાબ આપતા રાહુલ ગાંધીએ કહ્યું કે, 'હવે લાગે છે કે ટૂંક સમયમાં જ કરવા પડશે.' ઉલ્લેખનીય છે કે કોંગ્રેસ મહાસચિવ પ્રિયંકા ગાંધી વાડ્રાએ આજે રાયબરેલીમાં ઘર-ઘર ચૂંટણી અભિયાન કર્યું. આ દરમિયાન તેઓ ઘર-ઘર જઈને લોકોને મળી રહ્યા છે.

'મારી બંને માતાની કર્મભૂમિ છે રાયબરેલી'

કોંગ્રેસ નેતા અને રાયબરેલી લોકસભા બેઠકના ઉમેદવાર રાહુલ ગાંધીએ જનસભામાં રાયબરેલીથી ચૂંટણી લડવાનું કારણ જણાવ્યું હતું. તેમણે કહ્યું કે, 'કેટલાક દિવસો પહેલા હું મા (સોનિયા ગાંધી)ની સાથે બેઠો હતો. મેં માને કહ્યું કે એક બે વર્ષ પહેલા મેં એક વીડિયોમાં કહી દીધું કે મારી બે માતા હતી એક સોનિયા ગાંધી અને બીજા ઈન્દિરા ગાંધી. બંને માતાની આ કર્મભૂમિ છે, એટલા માટે હું રાયબરેલીથી ચૂંટણી લડી રહ્યો છું.'

જણાવી દઈએ કે, આ વખતે રાહુલ ગાંધી અમેઠીથી નહીં પરંતુ રાયબરેલીથી ચૂંટણી લડી રહ્યા છે. જ્યાં તેમની ટક્કર ભાજપના દિનેશ પ્રતાપ સિંહ સાથે છે. આ પહેલા સોનિયા ગાંધી રાયબરેલીથી સાંસદ રહી ચૂક્યા છે.