2047 સુધી વિકસિત ભારતનું લક્ષ્ય, મોદી સરકારનો 100 દિવસનો એક્શન પ્લાન, 5 વર્ષનો રોડમેપ તૈયાર

Narendra Modi Oath Taking Ceremony: દેશની રાજધાની નવી દિલ્હીમાં ત્રીજી વખત દેશના વડાપ્રધાન તરીકે શપથ ગ્રહણ કરતા પહેલા નરેન્દ્ર મોદીએ સંભવિત મંત્રીઓ સાથે પ્રથમ બેઠક કરી હતી, જેની તસવીર સામે આવી છે. નરેન્દ્ર મોદીએ કહ્યું કે પાંચ વર્ષનો રોડમેપ તૈયાર છે. આ દરમિયાન તેમણે 100 દિવસના રોડમેપની ચર્ચા કરી અને તેને અમલમાં મૂકવા માટે સૂચનાઓ આપી.

100 દિવસનો એક્શન પ્લાન 

સૂત્રો અહેવાલ અનુસાર પીએમ મોદીએ તેમના નવા કેબિનેટ સાથીદારોને કહ્યું કે 100 દિવસના એજન્ડાના એક્શન પ્લાનને જમીન પર લાગુ કરવો પડશે. આ સાથે પેન્ડિંગ પ્રોજેક્ટ્સ પૂરા કરવા પડશે. તેમણે કહ્યું કે તમને જે પણ વિભાગ મળે ત્યારે તમારે ખાતરી કરવી પડશે કે તે શક્ય તેટલી વહેલી તકે પૂર્ણ થાય.

વડાપ્રધાનના નિવાસ સ્થાને બેઠક યોજાઈ 

વડાપ્રધાનના નિવાસ સ્થાને 22 સાંસદો સાથેની બેઠકમાં મોદીએ કહ્યું કે પાંચ વર્ષનો રોડમેપ પણ તૈયાર છે. તમે તેના પર પૂરા દિલથી કામ કરજો. અમારી સરકારનો ઉદ્દેશ્ય વર્ષ 2047માં ભારતને સંપૂર્ણ વિકસિત ભારત બનાવવાનો છે. જનતાને એનડીએમાં વિશ્વાસ છે. તેને વધુ મજબૂત બનાવવો પડશે.

બેઠકમાં કોણ કોણ હાજર રહ્યું 

વડાપ્રધાનના નિવાસસ્થાને બેઠકમાં ભાગ લેવા પહોંચેલા સાંસદોમાં સર્બાનંદ સોનોવાલ, ચિરાગ પાસવાન, અન્નપૂર્ણા દેવી, મનોહર લાલ ખટ્ટર, શિવરાજ સિંહ ચૌહાણ, ભગીરથ ચૌધરી, કિરેન રિજિજુ, જિતિન પ્રસાદ, એચડી કુમારસ્વામી, જ્યોતિરાદિત્ય સિંધિયા, નિર્મલા સિત્તેરમાન, જ્યોતિરાદિત્ય સિંધિયાનો સમાવેશ થાય છે. બિટ્ટુ, અજય તમટા, રાવ ઈન્દ્રજીત સિંહ, નિત્યાનંદ રાય, જીતન રામ માંઝી, ધર્મેન્દ્ર પ્રધાન, ગજેન્દ્ર સિંહ શેખાવત, હર્ષ મલ્હોત્રા, એસ જયશંકર, સીઆર પાટીલ અને કૃષ્ણપાલ ગુર્જર સામેલ હતા.