ત્રણ દેશોની યાત્રા પર રવાના થયા વડાપ્રધાન મોદી, G-20 સમિટમાં જતા પહેલા કરી મોટી વાત

PM Modi Brazil Nigeria Visit : વડાપ્રધાન નરેન્દ્ર મોદી શનિવારે (16 નવેમ્બર) નાઇઝીરિયા, બ્રાઝિલ અને ગુયાનાની પાંચ દિવસીય યાત્રા પર રવાના થયા. નરેન્દ્ર મોદી બ્રાઝિલમાં G20 શિખર સમ્મેલનમાં સામેલ થશે. ત્રણ દેશોની યાત્રા પર રવાના થતા પહેલા શનિવારે વડાપ્રધાન મોદીએ કહ્યું કે, નાઇઝીરિયાના રાષ્ટ્રપતિ અહમદ ટીનૂબૂના આમંત્રણ પર હું પહેલી નાઇઝીરિયા યાત્રા પર જઈ રહ્યો છું. વડાપ્રધાન મોદીએ પશ્ચિમી આફ્રીકામાં નાઇઝીરિયાને ભારતનું સૌથી નજીકનું સાથી બતાવ્યું.

'ભારત-નાઇઝીરિયાની રણનીતિક ભાગીદારીને વધુ મજબૂત કરવાનો અવસર'

વડાપ્રધાન નરેન્દ્ર મોદીએ વધુમાં કહ્યું કે, મારી યાત્રા ભારત-નાઇઝીરિયાની રણનીતિક ભાગીદારીને વધુ મજબૂત કરવાનો અવસર હશે, જે લોકશાહી અને વિવિધતામાં બંનેના વિશ્વાસ પર આધારિત છે. વડાપ્રધાન મોદીએ અબૂઝા સહિત નાઇઝીરિયાના અલગ અલગ ભાગોમાં રહેતા ભારતીય સમુદાયના લોકોનો ઉલ્લેખ કરતા કહ્યું કે, હું ભારતીય સમુદાય અને નાઇઝીરિયાના મિત્રોથી મળવા ખુબ ઉત્સુક છું, જેમણે મને હિન્દીમાં ઉત્સાહભર્યા સ્વાગત સંદેશ મોકલ્યા છે.

બ્રાઝિલ પહેલા નાઈઝીરિયા શા માટે જઈ રહ્યા છે વડાપ્રધાન મોદી?

છેલ્લા 17 વર્ષમાં પહેલી વખત કોઈ ભારતીય વડાપ્રધાન નાઈઝીરિયાનો પ્રવાસ કરશે. અગાઉ 2007માં તત્કાલીન વડાપ્રધાન ડો. મનમોહનસિંહે નાઈઝીરિયાનો પ્રવાસ કર્યો હતો. જ્યારે વડાપ્રધાન મોદી નાઈઝીરિયાનો આ પ્રવાસ ત્યાંના રાષ્ટ્રપતિ ટીનૂબૂના આમંત્રણ પર કરી રહ્યાં છે. જેમાં આગામી 17 નવેમ્બરે મોદી ટીનૂબૂ સાથે પ્રતિનિધિમંડળ સ્તરીય દ્વિપક્ષીય મુલાકાત કરશે. આ પછી વડાપ્રધાન મોદી નાઈઝીરિયાની રાજધાની અબુજા ખાતે ભારતીય સમુદાયના લોકોને સબંધિત કરશે અને પછી બ્રાઝિલ જવા રવાના થશે.

નાઈઝીરિયા આફ્રિકાનું સૌથી મોટું લોકતંત્રિક દેશ

ભારત અને નાઈઝીરિયા બંને દેશોના નજીકના સંબંધો છે. જ્યારે ભારતની જેમ નાઈઝીરિયા આફ્રિકાનું સૌથી મોટું લોકતંત્રિક દેશ છે. નાઈઝીરિયા આફ્રિકાનો સૌથી મજબૂત દેશ માનવામાં આવે છે. તેનું કારણ અહીંનું અર્થતંત્ર છે. ભારત અને નાઈઝીરિયા વચ્ચે રાજદ્વારી સંબંધો 1958માં નાઈઝીરિયાની સ્વતંત્રતા પહેલા જ શરૂ થયા હતા, જ્યારે ભારતે લોકોમાં તેના રાજદ્વારી ગૃહની સ્થાપના કરી હતી. નાઈઝીરિયાએ વર્ષ 1960માં આઝાદી મેળવી હતી અને બંને દેશો વચ્ચે 60 વર્ષથી વધુ સમયથી ઉચ્ચ સ્તરના રાજકીય સંબંધો જળવાઈ રહ્યા છે.

વડાપ્રધાન મોદીને આફ્રિકન દેશો પૂરા વિશ્વાસથી જુએ છે 

ચીન આફ્રિકન દેશો પર નજર તાકીને બેઠું છે, તેવામાં વડાપ્રધાન મોદી જ્યારે નાઈઝીરિયાના પ્રવાસ પર હશે ત્યારે ચીન પરેશાન થઈ શકે છે. બીજી તરફ, ચીનની હંમેશા નાઈઝીરિયાના સમૃદ્ધ તેલ અને ગેસના ભંડાર પર નજર છે. કોઈપણ રીતે, ચીન હંમેશા ડોળ કરવાનો પ્રયાસ કરે છે કે તે આફ્રિકન દેશોના શુભચિંતક છે, જ્યારે સત્ય તેનાથી વિરુદ્ધ છે. ચીન આફ્રિકન દેશોને તેના દેવાની જાળમાં ફસાવવા માગે છે. સત્ય એ છે કે આજે આફ્રિકન દેશો ભારતીય વડાપ્રધાન નરેન્દ્ર મોદી તરફ પૂરા વિશ્વાસ સાથે જુએ છે.

આ પણ વાંચો : શું ટ્રમ્પના રાજમાં અમેરિકનો દેશ છોડશે? ગૂગલ પર શોધે છે નવા દેશ, જુઓ કયા છે હોટ ફેવરિટ

નાઈઝીરિયાના પ્રવાસ પહેલા મોદીએ શું કહ્યું?

વડાપ્રધાન મોદીના નેતૃત્વમાં ભારત આફ્રિકન દેશોને સમયાંતરે વિવિધ સ્તરે મોટી મદદ કરતું રહે છે. આફ્રિકન દેશો આ વાત સારી રીતે સમજે છે કે તેમના માટે ભારત વધુ ભરોસાપાત્ર દેશ છે, ચીન નહીં. તેથી વડાપ્રધાન મોદીની નાઈઝીરિયા મુલાકાતથી ચીન પરેશાન દેખાઈ શકે છે. નાઈઝીરિયાની મુલાકાત પહેલાં વડાપ્રધાન મોદીએ સોશિયલ મીડિયા પર પોસ્ટ શેર કરી હતી કે 'નાઈઝીરિયાના હિન્દી પ્રેમીઓએ મારી ત્યાંની મુલાકાત વિશે જે રીતે ઉત્સાહ દર્શાવ્યો છે, તે હૃદયને સ્પર્શી ગયો છે! હું મારી આ યાત્રા વિશે ખૂબ જ ઉત્સુક છું.'

200થી વધુ ભારતીય કંપનીઓ નાઈઝીરિયામાં રોકાણ કરે છે

નાઈઝીરિયામાં મોટી સંખ્યામાં ભારતીય સમુદાયના લોકો રહે છે. નાઈઝીરિયામાં ભારતીય મૂળના લગભગ 60 હજાર લોકો છે, જે કોઈપણ આફ્રિકન દેશની સરખામણીમાં સૌથી વધુ છે. 200થી વધુ ભારતીય કંપનીઓએ નાઈઝીરિયામાં 27 બિલિયન ડોલરથી વધુનું રોકાણ કર્યું છે.

આ પણ વાંચો : 'ફરીવાર આવું નહીં થાય...', દિવાળી પાર્ટીમાં કરેલી ભૂલ પર UK સરકારે માફી માગી

G20માં આફ્રિકન યુનિયનનો સમાવેશ કર્યો

ગયા વર્ષે વડાપ્રધાન મોદીએ G20માં આફ્રિકન યુનિયનનો સમાવેશ કર્યો હતો અને આફ્રિકન દેશોના અવાજને વૈશ્વિક પ્લેટફોર્મ આપવાનું કામ કર્યું હતું. એટલું જ નહીં, વડાપ્રધાન મોદીએ વોઈસ ઓફ ગ્લોબલ સાઉથની બીજી કોન્ફરન્સનું પણ આયોજન કર્યું હતું, જેમાં આર્થિક રીતે પછાત અને વિકાસશીલ દેશોને સશક્ત બનાવવા પર ભાર મૂકવામાં આવ્યો હતો, જેથી આ દેશો આર્થિક ધોરણે વિકસિત દેશોથી પાછળ ન રહે. વડાપ્રધાન મોદીએ પણ દુબઈમાં CoP28 દરમિયાન ગ્લોબલ સાઉથના દેશોનો અવાજ ઉઠાવ્યો હતો અને કહ્યું હતું કે, ગ્લોબલ સાઉથના દેશોએ વિકસિત દેશોનો માર સહન ન કરવો પડે તે માટે આપણે બધાએ સાથે મળીને કામ કરવું પડશે.