નોઈડા એક્સપ્રેસ વે પર બે બસો વચ્ચે ભીષણ ટક્કર થતાં મચી અફરાતફરી, 40થી વધુ ઘવાયા

Noida Bus Accident News | નોઈડા એક્સપ્રેસ વે પર બે બસો વચ્ચે ભીષણ અકસ્માત સર્જાયાની માહિતી મળી રહી છે. આ દુર્ઘટનામાં અત્યાર સુધીમાં લગભગ 40થી વધુ લોકો ઘાયલ થયાની માહિતી મળી રહી છે. મથુરા કટ નજીકમાં આ દુર્ઘટના સર્જાઈ હતી. આ બંને બસો નોઈડા તરફ આવી રહી હોવાની માહિતી છે. અકસ્માત બાદ ઘટનાસ્થળે હાહાકાર મચી ગયો હતો. હાલમાં ભારે ઠંડી પડી રહી હોવાથી ધુમ્મસની સ્થિતિ વધુ જોવા મળી રહી છે જે અકસ્માતનું મોટું કારણ હોઈ શકે છે.