રાશન કાર્ડમાં પત્ની અને બાળકોના નામ હવે ઓનલાઈન જોડી શકશો, જાણો સમગ્ર પ્રોસેસ

નવી દિલ્હી,તા. 4 જાન્યુઆરી 2024, ગુરુવાર

ભારતમાં રાશન કાર્ડ એક અતિમહત્વપૂર્ણ દસ્તાવેજ માનવામાં આવે છે. ભારત સરકાર દ્વારા જારી કરવામાં આવતા આ કાર્ડ નાગરિકની ઓળખ અને રહેઠાણનો પુરાવો આપે છે. વધુમાં તે ઘઉં, ચોખા, ખાંડ અને કેરોસીન જેવી સબસિડીવાળી ખાદ્ય ચીજોની ખરીદી માટે પણ જરૂરી છે.

રાશન કાર્ડના ફાયદા :

ઓળખ અને રહેઠાણનો પુરાવો: રાશનકાર્ડ માન્ય ઓળખપત્ર અને રહેઠાણનું પ્રમાણપત્ર છે. તેનો ઉપયોગ બેંક ખાતું ખોલવા, પાસપોર્ટ માટે અરજી કરવા અને અન્ય સરકારી સેવાઓ મેળવવા માટે થઈ શકે છે.

સબસિડીવાળી પ્રોડક્ટોની ખરીદી: રાશન કાર્ડધારકોને ઘઉં, ચોખા, ખાંડ અને કેરોસીન જેવી સબસિડીવાળી ખાદ્ય ચીજોની ખરીદી પર ડિસ્કાઉન્ટ મળે છે. આનાથી ગરીબ અને ઓછી આવક ધરાવતા પરિવારોને ભોજનની પહોંચ સુનિશ્ચિત કરવામાં મદદ મળે છે.

સરકારી યોજનાઓના લાભો: કેટલીક સરકારી યોજનાઓ જેમ કે પ્રધાનમંત્રી ગરીબ કલ્યાણ અન્ન યોજના (PMGKAY), માત્ર રાશનકાર્ડ ધારકો માટે જ ઉપલબ્ધ છે.

રાશન કાર્ડ માટે અરજી કરવા નીચેના દસ્તાવેજો સબમિટ કરવાની જરૂર રહેશે :

1. આધાર કાર્ડ

2. રહેઠાણનું પ્રમાણપત્ર

3. પરિવારના વડાની ઓળખનો પુરાવો

4. કુટુંબની આવકનો પુરાવો

5. રાશન કાર્ડની માન્યતા સામાન્ય રીતે 5 વર્ષની હોય છે. તેને રિન્યુ કરવા માટે તમારે તમારા રાજ્યના ખાદ્ય વિભાગને અરજી કરવી પડશે.

જો તમારી પાસે રાશન કાર્ડ નથી, તો તમે તમારા રાજ્યના ખાદ્ય વિભાગની વેબસાઈટ પર જઈને અથવા નજીકના ખાદ્ય વિભાગની ઓફિસની મુલાકાત લઈને તેના માટે અરજી કરી શકો છો. 

બાળકનું નામ ઓનલાઇન ઉમેરવા ?

હવે રાશનકાર્ડમાં બાળકનું નામ ઉમેરવા માટે ઓનલાઈન અરજી કરી શકાશે. આ સુવિધા ઉત્તર પ્રદેશ, બિહાર, રાજસ્થાન, મધ્ય પ્રદેશ, હરિયાણા, પંજાબ, દિલ્હી, મહારાષ્ટ્ર, આંધ્ર પ્રદેશ, તેલંગાણા, કેરળ, કર્ણાટક, તમિલનાડુ, પશ્ચિમ બંગાળ, ઓડિશા, ઝારખંડ, છત્તીસગઢ, ગોવા, ગુજરાત, આસામ, માં ઉપલબ્ધ છે. મેઘાલય, ત્રિપુરા, સિક્કિમ, નાગાલેન્ડ, અરુણાચલ પ્રદેશ, મિઝોરમ અને મણિપુર જેવા રાજ્યોમાં ઉપલબ્ધ છે.

ઓનલાઈન અરજી કરવા માટે નીચેના સ્ટેપ અનુસરો :

1.તમારા રાજ્યના ખાદ્ય વિભાગની વેબસાઇટ પર જાવ.

2. “Add member to ration card” અથવા “Add name to ration card” જેવી લિંક શોધો.

3. લિંક પર ક્લિક કરો અને અરજી ફોર્મ ખોલો.

4. ફોર્મમાં જરૂરી માહિતી ભરો, જેમ કે તમારું નામ, રાશન કાર્ડ નંબર, બાળકનું નામ, જન્મ તારીખ, રહેઠાણ અને આધાર કાર્ડ નંબર.

5. તમારી અરજી સાથે જરૂરી દસ્તાવેજોની સ્કેન કરેલી નકલો અપલોડ કરો.

6.અરજી ફી ચૂકવો.

7. અરજી સબમિટ કરો.

એપ્લિકેશન સબમિટ કર્યા પછી, તમને એક એપ્લિકેશન નંબર પ્રાપ્ત થશે. તમે તમારી Applicationનું સ્ટેટસ ચકાસવા માટે આ એપ્લિકેશન નંબરનો ઉપયોગ કરી શકો છો.

એકવાર એપ્લિકેશનની ચકાસણી થઈ જાય, પછી બાળકનું નામ તમારા રાશન કાર્ડમાં ઉમેરવામાં આવશે. આ પ્રક્રિયામાં સામાન્ય રીતે 10-15 દિવસ લાગે છે.

રાશન કાર્ડમાં બાળકનું નામ ઉમેરવા માટે જરૂરી દસ્તાવેજો:

1.રાશન કાર્ડ

2. બાળકનું જન્મ પ્રમાણપત્ર

3. પરિવારના વડાનું આધાર કાર્ડ

બાળકનું નામ ઉમેરવા માટેની અરજી ફી કેટલી ?

ઉપરોક્ત નામ ઉમેરવાની ઓનલાઈન સર્વિસ આપતા મોટાભાગના રાજ્યો આ બાળકનું નામ ઉમેરવા માટેની 50 રૂપિયા અરજી ફી લે છે. અત્રે નોંધવું અગત્યનું છે કે રાશનકાર્ડમાં બાળકનું નામ ઉમેરવા માટે બાળકની ઉંમર 18 વર્ષથી ઓછી હોવી જોઈએ. જો બાળકની ઉંમર 18 વર્ષથી વધુ હોય તો તેણે અલગ રાશન કાર્ડ માટે અરજી કરવી પડશે.