નીતીશ કુમારે I.N.D.I.A વિપક્ષી ગઠબંધનથી રાખ્યું અંતર, દીનદયાલ ઉપાધ્યની જન્મજયંતિની ઉજવણીમાં રહેશે હાજર

આજે હરિયાણાના કૈથલમાં ખાતે પૂર્વ ઉપમુખ્યમંત્રી તૌ દેવી લાલની જન્મજયંતિ પર INLD (ઈન્ડિયન નેશનલ લોકદળ) દ્વારા એક કાર્યક્રમનું આયોજન કરવામાં આવ્યું છે. આ કાર્યક્રમમાં વિપક્ષ ગઠબંધન I.N.D.I.Aના  નેતાઓની પણ હાજરી જોવા મળી છે. એવામાં બિહારના મુખ્યમંત્રી નીતીશ કુમાર આ કાર્યક્રમમાં હાજરી આપવાના નથી. 

નીતિશ કુમારની ગેરહાજરીથી તર્કવિતર્ક શરુ 

હરિયાણામાં આયોજિત આ કાર્યક્રમમાં જયારે વિપક્ષી જમાવડો પણ હાજર રહ્યો છે ત્યારે બિહારના મુખ્યમંત્રી આ કાર્યક્રમ છોડી પટનામાં આયોજિત પંડિત દીનદયાલ ઉપાધ્યાયની જન્મજયંતિની ઉજવણીમાં હાજરી આપવાનો નિર્ણય કર્યો છે. નીતિશના આ પગલાને રાજનીતિ સાથે જોડવામાં આવી રહ્યા છે અને તેને લઇ ઘણા તર્કવિતર્ક ચાલી રહ્યા છે.

નીતીશ કુમારની ગેરહાજરી અંગે JDUની સ્પષ્ટતા

નીતીશ કુમારના આ પગલા પર તેમની પાર્ટી JDUની સ્પષ્ટતા પણ સામે આવી છે. JDUના પ્રવક્તા નીરજ કુમારે કહ્યું કે, નીતીશ કુમાર તેમના પૂર્વજોનું સન્માન કરે છે. નીતીશ કુમારે આજે જ કેબિનેટની બેઠક પણ બોલાવી છે, જેના લીધે તે તેમના કૈથલ કાર્યક્રમમાં હાજરી નહિ આપી શકે. આ વાતની પુષ્ટિબાદ રાજકારણમાં ઘણા તર્કવિતર્કો ચાલી રહ્યા છે હવે જોવાનું રહ્યું કે આના પર વિપક્ષ ગઠબંધન I.N.D.I.A દ્વારા શું પ્રતિક્રિયા આપવામાં આવે છે.