Budget 2025 : ખેડૂત, ગરીબ, મહિલા અને યુવા પર ફોકસ, PM મોદીના સૂચનને બજેટમાં મહત્ત્વ

PM Modi's announcement for 4 castes: વડાપ્રધાન મોદી તેમના ભાષણમાં મોટાભાગે 4 જાતિઓનો ઉલ્લેખ કરતાં હોય છે. વિપક્ષ દ્વારા જાતિ આધારિત જનગણના કરાવવાની માંગને લઈને પીએમ મોદી કેટલીય વાર કહી ચૂક્યા છે કે દેશમાં ખેડૂત, ગરીબ, મહિલા અને યુવા જેવી 4 જ જાતિ છે. જો આ ચાર વર્ગોનું કલ્યાણ કરવામાં આવે તો દેશમાં ફરીથી વિકાસ થશે. સામાન્ય બજેટમાં તેમની આ વાતનો ખ્યાલ રાખવામાં આવ્યો છે અને ગરીબ, ખેડૂત, મહિલા અને યુવાઓ પર ફોક્સ કરવામાં આવ્યું છે. સૌથી પહેલા ખેડૂતોની વાત કરવામાં આવે તો તેમના માટે વડાપ્રધાને ધન-ધાન્ય કૃષિ યોજનાની જાહેરાત કરી છે. જેના કારણે દેશના 100થી વધુ જિલ્લામાં 1.7 કરોડ ખેડૂત પરિવારને કવર કરવામાં આવ્યા છે. 

આ પણ વાંચો: Budget 2025: નવા ટેક્સ સ્લેબમાં કરદાતાઓને થશે 1 લાખ સુધીની બચત, જાણો કેવી રીતે?

આ ઉપરાંત, કપાસ ઉત્પાદનમાં જોડાયેલા ખેડૂતો માટે 5 વર્ષ સુધી મિશનની પણ જાહેરાત કરવામાં આવી છે. સરકારનું કહેવું છે કે, કપાસનું ઉત્પાદન અને ગુણવત્તા વધારવા પર ભાર મૂકવામાં આવશે. ખેડૂતો માટે લોનમાં મોટી રાહતની પણ જાહેરાત કરવામાં આવી છે. દેશના 7.7 કરોડ ક્રેડિટ કાર્ડ ધારક ખેડૂતો હવે 5 લાખ રૂપિયા સુધીની લોન મેળવી શકશે. અત્યાર સુધી આ મર્યાદા ફક્ત 3  લાખ રૂપિયા હતી. જે અંતર્ગત ખેડૂતો, માછીમારો અને ડેરી ફાર્મિંગ સાથે જોડાયેલા લોકો માટે મોટી સુવિધા મળી રહેશે.

બિહારમાં મખાના બોર્ડની રચના કરવામાં આવશે

આ સાથે બીજની ગુણવત્તા સુધારવા માટે એક યોજનાની પણ જાહેરાત કરવામાં આવી છે. તેમજ બિહારમાં મખાના બોર્ડની રચના કરવામાં આવશે. સરકાર કઠોળના ઉત્પાદન પર ધ્યાન આપશે અને આગામી 6 વર્ષ માટે આ માટે એક મિશન ચલાવવામાં આવશે. મસૂર, તુવેર અને અડદ દાળના ઉત્પાદન પર ખાસ ભાર મૂકવામાં આવશે. આ ઉપરાંત પીએમ સ્વનિધિ યોજના હેઠળ ગ્રામજનો તેમના ઘર વગેરે પર લોન લઈ શકશે. 

બજેટમાં યુવાનો, કામદારો અને મહિલાઓને શું મળ્યું?

બજેટમાં યુવાનો વિશે વાત કરીએ તો, તેમના માટે સેન્ટર ઑફ એક્સેલન્સ ઇન આર્ટિફિશિયલ ઇન્ટેલિજન્સ ફોર એજ્યુકેશનની પણ જાહેરાત કરવામાં આવી છે. જેમાં કુલ 500 કરોડ રૂપિયાનો ખર્ચ કરવામાં આવશે. સરકારી શાળાઓમાં 50 હજાર લેબ તૈયાર કરવામાં આવશે. દેશભરમાં 5 નેશનલ સેન્ટર ઓફ એક્સલન્સ ફોર સ્કિલિંગ (રાષ્ટ્રીય કૌશલ્ય ઉત્કૃષ્ટતા કેન્દ્રો) પણ સ્થાપિત કરવામાં આવશે. 

આ પણ વાંચો: Budget 2025: 12 લાખની આવક પર ઝીરો ટેક્સ, આ સરળ રીતે સમજો ટેક્સ સ્લેબ

શિક્ષણ ક્ષેત્રે, મજૂર વર્ગ અને મહિલાઓ માટે વિવિધ યોજના 

આ ઉપરાંત ભારતીય ભાષા પુસ્તક યોજના પણ શરુ કરવામાં આવશે. જેના દ્વારા શાળા અને ઉચ્ચ શિક્ષણના પુસ્તકો વિદ્યાર્થીઓને ડિજિટલ માધ્યમ પર ઉપલબ્ધ થઈ શકશે. બધી શાળાઓ અને પ્રાથમિક આરોગ્ય કેન્દ્રોમાં બ્રોડબેન્ડ સુવિધા ઉપલબ્ધ કરવામાં આવશે. તો સરકારે મજૂરો માટે એક મહત્ત્વપૂર્ણ જાહેરાત પણ કરી છે અને તેમને ઈ-શ્રમ પોર્ટલ પર નોંધણી કરાવવામાં આવશે. આ બધા લોકોને પીએમ જન આરોગ્ય યોજના હેઠળ પણ લાભ મળશે. મહિલાઓની વાત કરીએ તો સક્ષમ આંગણવાડી અને પોષણ યોજનાનો બીજો રાઉન્ડ ચલાવવામાં આવશે.