મુખ્તાર અંસારીને ઝેર આપી મારી નાખ્યા હોવાના દાવામાં મોટો ખુલાસો, DMએ સરકારને સોંપ્યો રિપોર્ટ

Mukhtar Ansari Report: ઉત્તર પ્રદેશની બાંદા જેલમાં ગેંગસ્ટર મુખ્તાર અંસારીના મૃત્યુની મેજિસ્ટ્રિયલ તપાસમાં ઝેરની શક્યતાને નકારી કાઢવામાં આવી છે. મુખ્તાર અન્સારીનું મૃત્યુ હાર્ટ એટેકથી થયું હતું, જેની પોસ્ટમોર્ટમ રિપોર્ટ અને તપાસમાં પુષ્ટિ થઈ હતી.

જેલમાં ઉલ્ટી થતાં ભાંગી પડેલા મુખ્તારના મૃત્યુ બાદ તેના પુત્ર ઓમર અંસારીએ ઝેર પીધાની આશંકા વ્યક્ત કરી હતી, ત્યારબાદ તપાસ હાથ ધરવામાં આવી હતી. જો કે, તપાસમાં ઝેરના કોઈ પુરાવા મળ્યા નથી અને તેને કુદરતી મૃત્યુ જાહેર કરવામાં આવ્યું હતું.

આ સાથે એવું કહેવામાં આવ્યું હતું કે, પ્રશાસને મુખ્તાર અંસારીના પરિવારના સભ્યોને ઘણી નોટિસ મોકલી હતી, પરંતુ તેઓ જવાબ આપવા માટે હાજર નહોતા.

મુખ્તાર અંસારીના મૃત્યુની તપાસ એડીએમ ફાયનાન્સ રેવન્યુ રાજેશ કુમારને સોંપવામાં આવી હતી. લેટર જારી કરતી વખતે એડીએમ ફાઇનાન્સ રાજેશ કુમારે કહ્યું કે, ગાઝીપુરના રહેવાસી મુખ્તાર અંસારીનું 28 એપ્રિલે રાની દુર્ગાવતી મેડિકલ કોલેજ, બાંદામાં અવસાન થયું હતું. આ પછી મારા દ્વારા મેજિસ્ટ્રેટ તપાસ કરવામાં આવી રહી છે. આ સંદર્ભમાં, કોઈપણ વ્યક્તિ જે લેખિત, મૌખિક અથવા પુરાવારૂપે નિવેદન રજૂ કરવા માંગતી હોય તે 15 એપ્રિલ, 2024 સુધી કોઈપણ દિવસે મારી ઓફિસમાં આવી શકે છે અને તેનું નિવેદન રજૂ કરી શકે છે. 

આ રિપોર્ટમાં કહેવામાં આવ્યું છે કે, મુખ્તારના પરિવારના કોઈ સભ્યએ કોઈ નિવેદન આપ્યું નથી.

મહત્વનું છેકે, 28 માર્ચે બાંદા જેલમાં મુખ્તાર અંસારીની તબિયત બગડી હતી, ત્યારબાદ તેને તાત્કાલિક બાંદા મેડિકલ કોલેજમાં સારવાર માટે દાખલ કરવામાં આવ્યો હતો, જ્યાં સારવાર દરમિયાન તેનું મોત થયું હતું. મેડિકલ રિપોર્ટમાં મોતનું કારણ હાર્ટ એટેક જણાવવામાં આવ્યું છે. તે જ સમયે, મુખ્તારના પરિવારે તેને સ્લો પોઈઝન આપવાનો આરોપ લગાવ્યો હતો. 

મુખ્તાર અંસારીના પરિવારે, ખાસ કરીને તેમના પુત્ર ઓમર અંસારીએ મુખ્તાઅંસારીનું મૃત્યુ ઝેરથી થયું હોવાની આશંકા વ્યક્ત કરી હતી, આ આરોપો બાદ બાંદા જિલ્લા અધિકારીએ આ મામલે મેજિસ્ટ્રેટ તપાસના આદેશ આપ્યા હતા પરંતુ વહીવટીતંત્ર અને તપાસ અહેવાલે આ વાતને નકારી કાઢી છે. કેસની નિષ્પક્ષતા જાળવવા માટે, ન્યાયિક અને મેજિસ્ટ્રિયલ તપાસ સમિતિઓની રચના કરવામાં આવી હતી. તપાસ બાદ જે રિપોર્ટ સામે આવ્યો છે તેમાં મુખ્તારનું મૃત્યુ કુદરતી રીતે અને હાર્ટ એટેકના કારણે થયું હોવાની પુષ્ટિ કરવામાં આવી છે.

આ પણ વાંચો: શિવસેનાના ધારાસભ્યનું રાહુલ ગાંધી અંગે વિવાદાસ્પદ નિવેદન, કોંગ્રેસની આક્રમક પ્રતિક્રિયા