મોદી સરકાર રાહુલ ગાંધી સહિત વિપક્ષની આ માગને પૂરી કરવા તૈયાર! મુદ્દો લાંબા સમયથી પેન્ડિંગ

Caste Census: કેન્દ્ર સરકાર જાતિ ગણતરીના મુદ્દે સર્વસંમતિ બનાવવાની કવાયત શરુ કરી શકે છે. સરકાર આ અંગે સૈદ્ધાંતિક સમજૂતી સાથે ભાવિ રોડમેપ શોધવાના પ્રયાસો કરી શકે છે. આ મામલે હજુ સુધી કોઈ નિર્ણય લેવામાં આવ્યો નથી, પરંતુ સૂત્રોએ જણાવ્યું છે કે જાતિ ગણતરીની માંગને કારણે સરકાર આ મામલે અગાઉથી સર્જાયેલી જટિલતાઓને ઉકેલવા માંગે છે.

સરકાર જાતિ ગણતરીની માગની વિરુદ્ધમાં નહીં

સૂત્રોએ જણાવ્યું કે સત્તાધારી ભાજપ સૈદ્ધાંતિક રીતે જાતિ ગણતરીની માંગની વિરુદ્ધમાં નથી, પરંતુ તેનો માર્ગ શું હોવો જોઈએ તે અંગે હજુ અસ્પષ્ટતા છે. એક અભિપ્રાય એવો છે કે એક સમિતિની રચના કરવી જોઈએ, જેમાં તમામ પક્ષોને સામેલ કરવામાં આવે. ચર્ચા બાદ ઉકેલ શોધવો જોઈએ. એકવાર આ મુદ્દે સર્વસંમતિ સધાઈ જશે તો વસ્તી ગણતરી માટે પણ રસ્તો સાફ થઈ જશે.

આ પણ વાંચોઃ VIDEO : LPG ટેન્કરે યુ-ટર્ન લેતાં જ અકસ્માત સર્જાયો, ભયાનક વિસ્ફોટ થયો, 11 મોત, 40 ઘાયલ

આગામી વર્ષે વસ્તી ગણતરી થવાની શક્યતા

નોંધનીય છે કે કોવિડને કારણે 2021ની પ્રસ્તાવિત વસ્તી ગણતરી હજુ બાકી છે. આ અંગે તૈયારીઓ ચાલી રહી છે, પરંતુ વસ્તી ગણતરી ક્યારે શરુ થશે તે નક્કી નથી. આ અંગે 2025માં નિર્ણય લેવામાં આવશે તેવી આશા છે. એક અધિકારીએ કહ્યું કે દેશમાં એક પદ સાથે ઘણી જાતિઓ જોડાયેલી છે. સમાન સ્ટેટસ ધરાવતા લોકો વિવિધ વર્ગોના છે. જો કોમ્પ્યુટર સ્ટેટસના આધારે ગણતરી કરે તો લાખો જ્ઞાતિઓની ચોક્કસ કેટેગરી શોધવાનું મુશ્કેલ બની શકે છે.

2011ની વસ્તી ગણતરીમાં 46 લાખ જાતિઓ હતી

1931માં જ્યારે દેશમાં જાતિ આધારિત વસ્તી ગણતરી હાથ ધરવામાં આવી ત્યારે કુલ જાતિઓની સંખ્યા 4,147 હતી. 2011માં જ્યારે વસ્તી ગણતરી હાથ ધરવામાં આવી ત્યારે જાતિઓની સંખ્યા અંદાજે 46 લાખ હતી. જો કે, 2011ની વસ્તી ગણતરીનો ડેટા જાહેર કરવામાં આવ્યો ન હતો. 1872થી 1931 દરમિયાન જાતિ મુજબના આંકડા પણ નોંધવામાં આવ્યા હતા.

1931ની વસ્તી ગણતરી પર મંડલ કમિશન

1980માં મંડલ કમિશનનો રિપોર્ટ 1931ની જાતિ આધારિત વસ્તી ગણતરી પર આધારિત હતો. 1941માં જાતિ આધારિત વસ્તી ગણતરી પણ હાથ ધરવામાં આવી હતી, પરંતુ ડેટા પ્રકાશિત થયો ન હતો. આઝાદી પછી, જ્યારે 1951માં પ્રથમ વસ્તી ગણતરી હાથ ધરવામાં આવી હતી, ત્યારે બ્રિટિશ શાસન હેઠળની વસ્તી ગણતરીની પદ્ધતિમાં ફેરફાર કરવામાં આવ્યો હતો. 1961થી 2001 સુધીની વસ્તી ગણતરીમાં, સરકારે જાતિની વસ્તી ગણતરીથી અંતર જાળવી રાખ્યું હતું. 2011ની વસ્તી ગણતરીમાં પ્રથમ વખત જાતિ આધારિત ડેટા (સામાજિક-આર્થિક જાતિ) પણ એકત્ર કરવામાં આવ્યો હતો, પરંતુ આ ડેટા જાહેર કરવામાં આવ્યો ન હતો. વસ્તી ગણતરીમાં ઘણી બધી નવી વસ્તુઓ થઈ શકે છે.