VIDEO | યમુના એક્સપ્રેસ વે પર કાર-બસ વચ્ચે અકસ્માત, બંને આગમાં લપેટાયા, 5 જીવતાં ભડથું

Accident At Yamuna Expressway Mathura : આજે સવારે યમુના-એક્સપ્રેસ વે પર ભીષણ અકસ્માત સર્જાયાના અહેવાલ મળી રહ્યા છે. આગરાથી નોઈડા તરફ જતી ખાનગી બસનું ટાયર અચાનક પંચર થઇ જતાં ડ્રાઈવરે કાબૂ ગુમાવ્યો હતો. જેના લીધે બસ અને ટ્રક વચ્ચે જોરદાર અકસ્માત સર્જાયો હતો. 

#WATCH | A bus and car met with an accident on Yamuna Expressway in Mathura, Uttar Pradesh

More details are awaited. pic.twitter.com/KRvuLkOLW6

— ANI UP/Uttarakhand (@ANINewsUP) February 12, 2024

બંને વાહનો સળગી ગયા 

આ ઘટના સોમવારે સવારે આશરે પોણા આઠ વાગ્યે બની હતી. થોડીકવારમાં જ બંને વાહનો સળગી ગયા હતા. જેના લીધે એક્સપ્રેસ વે પર ચક્કાજામની સ્થિતિ સર્જાઈ હતી. ઘટનાની જાણ થતાં જ ફાયરબ્રિગેડની ટીમ પણ ઘટનાસ્થળે રવાના થઇ હતી. બસમાં સવાર યાત્રીઓને સુરક્ષિત બચાવવામાં સફળતા મળી પણ કારમાં સવાર પાંચ યાત્રીઓ જીવતાં ભડથું થઈ ગયા હતા. હજુ સુધી કાર અને મૃતકોની ઓળખ થઈ શકી નથી.