મણિપુરમાં ફરી હિંસા, મુખ્યમંત્રી બિરેન સિંહના કાફલા પર ઓચિંતો હુમલો, બે સુરક્ષાકર્મી ઘવાયા

Manipur News | હિંસાગ્રસ્ત મણિપુરથી ફરી એકવાર હિંસાના સમાચાર આવ્યા છે. અહીં મુખ્યમંત્રી એન. બિરેન સિંહના કાફલા પર ઉગ્રવાદીઓ દ્વારા હુમલો કરી દેવાયાની માહિતી છે. જો કે, સદભાગ્યે મુખ્યમંત્રી કાફલામાં સામેલ નહોતા. 

#WATCH | Manipur: Visuals from a hospital in Imphal where the injured police officials of the advance security team of Manipur Police have been admitted after they were attacked by unidentified armed miscreants

The security team of Manipur Police had gone to Jiribam ahead of… pic.twitter.com/BfULlfRKDz

— ANI (@ANI) June 10, 2024

બે સુરક્ષાકર્મીઓ ઘવાયાની માહિતી 

મણિપુરના મુખ્યમંત્રી એન. બિરેન સિંહની એડવાન્સ સિક્યોરિટી ટીમ પર ઓચિંતા હુમલામાં બે સુરક્ષાકર્મીઓ ઘાયલ થયા છે. ઘટના સોમવારે સવારે બની હતી. મુખ્યમંત્રી વર્તમાન પરિસ્થિતિની સમીક્ષા કરવા મંગળવારે કટોકટીગ્રસ્ત જીરીબામ જિલ્લાની મુલાકાત લેવાના હતા. ઘટના બાદ મણિપુર પોલીસ કમાન્ડો અને આસામ રાઈફલ્સે સંયુક્ત ટીમ બનાવી હતી અને ગુનેગારોને શોધવા માટે સર્ચ ઓપરેશન હાથ ધર્યું હતું. 

ક્યાં થયો હુમલો? 

ઉલ્લેખનીય છે કે મંગળવારે સીએમ એન.બિરેન સિંહ હિંસાગ્રસ્ત જીરીબામની મુલાકાત લેવાના હતા. આ સંદર્ભે, મુખ્યમંત્રીની આગોતરી સુરક્ષા ટીમ પરિસ્થિતિનો તાગ મેળવવા જીરીબામ જઈ રહી હતી. આ દરમિયાન મણિપુર કમાન્ડોએ સિનમ પાસે ઓચિંતો હુમલો કર્યો. વિશ્વસનીય સૂત્રોએ સંકેત આપ્યો છે કે મુખ્યમંત્રી એન. બિરેન સિંહ આવતીકાલે જીરીબામની મુલાકાતે જવાના છે. એટલા માટે તૈયારીનું આકલન કરવા માટે આજે કાફલાને રવાના કરાયો હતો.