દિલ્હી પહોંચ્યા ફડણવીસ, ભાજપ શિંદે-અજિતને મહત્ત્વના વિભાગો આપવાના મૂડમાં નથી!
Updated: Dec 11th, 2024
Maharashtra Politics: મહારાષ્ટ્રમાં મહાયુતિની સરકાર બન્યા બાદ હવે સૌની નજર મંત્રાલયોની વહેંચણી પર છે. જેને લઈને દિલ્હીમાં મહાયુતિના નેતાઓની બેઠક યોજાવાની છે. જેને લઈને દિલ્હીમાં મહાયુતિના નેતાઓની બેઠક યોજાવાની છે. જેમાં ભાજપના સૌથી મોટા નેતા પણ સામેલ રહેશે. તેમાં મુખ્યમંત્રી દેવેન્દ્ર ફડણવીસ અને બંને નાયબ મુખ્યમંત્રી એકનાથ શિંદે અને અજિત પવાર સામેલ થવાની માહિતી હતી. પરંતુ હવે જણાવવામાં આવી રહ્યું છે કે, શિંદેને આ બેઠકમાં સામેલ થવા માટે દિલ્હી બોલાવાયા નથી.
શિંદેના કાર્યાલયના સૂત્રોએ જણાવ્યું કે, એકનાથ શિંદેને આજે દિલ્હીમાં કોઈ નેતા સાથે મળવા માટે નથી બોલાવવામાં આવ્યા કે તેમની દિલ્હી યાત્રાની કોઈ યોજના નથી. આ વચ્ચે મુખ્યમંત્રી ફડણવીસ અને ડીસીએમ અજિત પવારની દિલ્હીમાં કોઈ શિષ્ટાચાર મુલાકાત નક્કી છે. સાથે જ આ યાત્રા દરમિયાન ભાજપના ટોચના નેતાઓની સાથે પોર્ટફોલિયોની વહેંચણી પર ચર્ચા થવાની સંભાવનાઓ છે. ફડણવીસે રાષ્ટ્રપતિ દ્રોપદી મુર્મૂ અને રક્ષા મંત્રી રાજનાથ સિંહ સાથે મુલાકાત કરી છે.
આ પણ વાંચો: શિંદેના વિશ્વાસુ આઉટ, હવે CM ફડણવીસના નજીકના સાથી સંભાળશે આ જવાબદારી
આ વચ્ચે સૂત્રોના અનુસાર, ભાજપ આ વખતે ભારે માગ વાળા વિભાગોથી સમજૂતી કરવાના મૂડમાં નથી. ભાજપની નજર એકનાથ શિંદેના શહેરી વિકાસ વિભાગ અને અજિત પવારના નાણા વિભાગ પર પણ છે. તેના બદલામાં ભાજપ શિંદેને રાજસ્વ અને લોક નિર્માણ વિભાગ, જ્યારે અજિત પવારને વીજળી કે સિંચાઈ વિભાગ આપવાની ઓફર કરી શકે છે.
14 ડિસેમ્બરે થઈ શકે છે મંત્રિમંડળનું વિસ્તરણ
PTIના અનુસાર, ભાજપના એક વરિષ્ઠ નેતાએ બુધવારે કહ્યું કે, દેવેન્દ્ર ફડણવીસના નેતૃત્વવાળી મહારાષ્ટ્ર સરકારનું મંત્રિમંડળ વિસ્તરણ 14 ડિસેમ્બર સુધીમાં થવાની સંભાવના છે. તેમના કાર્યાલયે કહ્યું કે, ફડણવીસ બુધવારે દિલ્હી માટે રવાના થયા. આ એક શિષ્ટાચાર ભેટ હતી, મુખ્યમંત્રી બન્યા બાદ તેમની આ પહેલી મુલાકાત હતી, કારણ કે તેઓ વડાપ્રધાન નરેન્દ્ર મોદી, રાષ્ટ્રપતિ દ્રોપદી મુર્મૂ અને ઉપરાષ્ટ્રપતિ જગદીપ ધનખડને મળશે.
એક ભાજપ નેતાએ કહ્યું કે, શિવસેનાને ગૃહ વિભાગ નહીં મળે અને રાજસ્વ વિભાગ પણ મળવાની સંભાવના નથી. વાતચીતમાં મોડું થઈ રહ્યું છે કારણ કે ત્રણેય પક્ષ તેમાં સામેલ છે.
