RSS અને નીતિન ગડકરીનો કિલ્લો ધ્વસ્ત કરી નાખવા કોંગ્રેસનો માસ્ટર સ્ટ્રોક! ભાજપ ટેન્શનમાં

Lok Sabha Elections 2024:  લોકસભા ચૂંટણી વચ્ચે ઘણી એવી હોટસીટ છે જે ચર્ચામાં છે. એમાંથી એક નાગપુર લોકસભા સીટ પણ છે. ભાજપના દિગ્ગજ નેતા નીતિન ગડકરી અહીંથી ચૂંટણી લડી રહ્યા છે. આ બેઠક કોંગ્રેસનું ગઢ રહી છે પરંતુ છેલ્લી બે ચૂંટણીમાં અહીં ભાજપનો વિજય થયો છે. આ વખતે કોંગ્રેસને અહીં ફરી આશા છે. 2019ની ચૂંટણીમાં ભાજપનો વોટ શેર 10 ટકા સુધી વધી ગયો હતો. નાગપુરમાં લોકો બેરોજગારી અને નાગરિક સુવિધાઓ જેવા સ્થાનિક મુદ્દાઓ વિશે વાત કરી રહ્યા છે અને જાતિગત સમીકરણોને જોતાં કોંગ્રેસ માને છે કે આ વખતે તેની પાસે મોટી તક છે.

ભાજપ શું કરે છે દાવો... 

નીતિન ગડકરી મોદી સરકારમાં શ્રેષ્ઠ પ્રદર્શન કરનારા કેન્દ્રીય મંત્રીઓમાંના એક તરીકે ઓળખાય છે. તેઓ મોદી સરકાર દ્વારા છેલ્લા બે ટર્મમાં કરેલા વિકાસ કાર્યો અને તેના ટ્રેક રેકોર્ડના આધારે વોટ માંગી રહ્યા છે. નાગપુરમાં એક રેલીમાં આત્મવિશ્વાસ સાથે ગડકરી કહે છે, જીત તો નક્કી જ છે, પરંતુ આપણે નાગપુરમાં ભાજપ માટે 75% વોટ શેર માટે પ્રયત્ન કરવો જોઈએ. તેમના સમર્થકોનું કહેવું છે કે આ વખતે સમર્થકો તેમને પાંચ લાખથી વધુ મતોથી જીતાડવામાં મદદ કરશે. નાગપુર મહારાષ્ટ્રની પાંચ બેઠકોમાંથી એક છે જ્યાં પ્રથમ તબક્કામાં 19 એપ્રિલે મતદાન થશે.

2014 અને 2019માં કેવી રહી સ્થિતિ? 

નીતિન ગડકરી 2014 માં 2.16 લાખ મતોથી જીત્યા હતા અને પાંચ વર્ષ પછી તેમનો વોટ શેર અને વોટ માર્જિન બંને વધ્યા. 2019માં કોંગ્રેસનો વોટ શેર પણ વધ્યો. નીતિન ગડકરી શહેરના ખૂણે ખૂણે રેલીઓને સંબોધિત કરી રહ્યા છે. કેન્દ્રીય મંત્રી નીતિન ગડકરીના શબ્દોને પુનરાવર્તિત કરતા, પ્રદેશ ભાજપ અધ્યક્ષ ચંદ્રશેખર બાવનકુલેએ કહ્યું, “ગડકરીને 65% મત મળશે. અમને વિશ્વાસ છે કે અમારી જીતનું માર્જિન વધશે. 

કોંગ્રેસનો આત્મવિશ્વાસ કેમ ઊંચો છે....? 

આંતરિક ઝઘડા ભૂલીને હવે કોંગ્રેસ માને છે કે તેની પાસે નાગપુર કોંગ્રેસના અધ્યક્ષ વિકાસ ઠાકરેના રૂપમાં એક મજબૂત સ્થાનિક ઉમેદવાર છે. પાર્ટીના આંતરિક સૂત્રો માને છે કે 2019 માં જ્યારે વર્તમાન રાજ્ય કોંગ્રેસના વડા નાના પટોલેને બહારના વ્યક્તિ તરીકે જોવામાં આવતા હતા, ત્યારે વિકાસ ઠાકરે તેમની તુલનાએ એક સારી પસંદગી છે. કોંગ્રેસના આંતરિક સૂત્રો કહે છે કે વિકાસ ઠાકરે નાગપુરના ભૂતપૂર્વ મેયર તરીકેના કાર્યકાળને કારણે લોકપ્રિય વ્યક્તિ છે અને એક તેજસ્વી નેતા તરીકે પણ જોવામાં આવે છે. હાલમાં તેઓ નાગપુર પશ્ચિમ વિધાનસભા મતવિસ્તારના ધારાસભ્ય છે. ફડણવીસ આ વિધાનસભા બેઠકનું બે વખત પ્રતિનિધિત્વ કરી ચૂક્યા છે.

આ મુદ્દાઓ અસર કરી શકે છે

કોંગ્રેસના ઉમેદવાર વિકાસ ઠાકરે મ્યુનિસિપલ બોડીનું સંચાલન કરતા ભાજપ સામે સત્તા વિરોધી લહેરનો લાભ લેવા માગે છે. તેમણે કહ્યું કે, “નાગપુરના લોકો નોકરી, મોંઘવારી અને પાણી અને વીજળી જેવી સુવિધાઓથી ચિંતિત છે. મ્યુનિસિપલ બોડી ભાજપ પાસે છે પરંતુ તેઓ હજુ પણ પાણી આપી શકતા નથી અને રસ્તાઓની પણ દયનીય હાલત છે. દરેક જગ્યાએ સિમેન્ટ અને કોંક્રીટ નાખવાથી જ વિકાસ નથી થતો. યુવાનોને નોકરીની જરૂર છે અને રાજ્યના લોકોને પોષણક્ષમ દરે સમયસર પાણી અને વીજળીની જરૂર છે. ભાજપ આ બધું આપવામાં નિષ્ફળ રહ્યું છે.

કોંગ્રેસને આ કારણે પણ આશા દેખાઈ રહી છે.... 

આ વખતે કોંગ્રેસને વંચિત બહુજન અઘાડી, બીએસપી અને એઆઈએમઆઈએમનું સમર્થન મળવાની આશા છે. ત્રણેય પક્ષોએ નાગપુરમાં કોઈ ઉમેદવાર ઉભા રાખ્યા નથી. 2019 માં, VBA અને BSP ને લગભગ 5% વોટ મળ્યા. આને ધ્યાનમાં રાખીને, વિકાસ ઠાકરે શહેરના દલિત અને મુસ્લિમ વિસ્તારોમાં જોરદાર પ્રચાર કરી રહ્યા છે અને તેમના કુનબી (ઓબીસી) સમુદાયના સમર્થનની પણ આશા રાખી રહ્યા છે. કોંગ્રેસના આંતરિક સૂત્રના જણાવ્યા અનુસાર, વિદર્ભમાં કુનબી સમુદાય મરાઠા આરક્ષણના મુદ્દે ભાજપથી નારાજ છે અને આ વિકાસ ઠાકરેના પક્ષમાં જઈ શકે છે.