સરકાર બનાવવા ભાજપ-કોંગ્રેસમાં દોડધામ, સત્તાની ચાવી આ બે નેતાના હાથમાં, મોદી-શાહે ફોન ઘૂમાવ્યા

Lok Sabha Election Result 2024: આજે લોકસભા ચૂંટણીના પરિણામોની સૌ-કોઇ આતુરતાથી રાહ જોઇ રહ્યું છે. ત્યારે લોકસભા ચૂંટણીના હાલના રુઝાનોએ દેશવાસીઓને અચંબિત કરી દીધા છે.  ભાજપના 400ના આંકડાને પાર કરવાની મુરાદ અધૂરી રહી ગઈ છે. હાલ ભાજપ-એનડીએ લોકસભા ચૂંટણીના પરિણામોમાં સ્પષ્ટ બહુમતીથી દૂર દેખાઇ રહ્યા છે, તો કોંગ્રેસ પક્ષ ફરી ઊભરતો દેખાઇ રહ્યો છે. 

અત્યાર સુધીના લોકસભાના ચૂંટણી વલણો પરથી સ્પષ્ટ થઇ રહ્યું છે કે કેન્દ્રમાં સત્તાનું સિંહાસન ડામાડોળ થતા વડાપ્રધાન નરેન્દ્ર મોદી અને ગૃહમંત્રી અમિત શાહ એકશન મોડમાં આવી ગયા છે. ત્યારે હવે આ વખતે બે મોટા નેતા ખૂબ જ શક્તિશાળી સામે આવ્યા છે. પ્રથમ બિહારના મુખ્યમંત્રી અને JDU નેતા નીતિશ કુમાર છે અને બીજા આંધ્ર પ્રદેશના TDP નેતા ચંદ્રાબાબુ નાયડુ છે.

લોકસભા ચૂંટણીના પરિણામો:
 

ભાજપ માટે બે નેતા બનશે કિંગ મેકર

લોકસભા ચૂંટણીની ચાલી રહેલી ગણતરી વચ્ચે, વડા પ્રધાન નરેન્દ્ર મોદી અને કેન્દ્રીય ગૃહ મંત્રી અમિત શાહે તેલુગુ દેશમ પાર્ટી (ટીડીપી)ના વડા ચંદ્રાબાબુ નાયડુ સાથે વાત કરી હોવાના સમાચાર સાંપડી રહ્યા છે. વડાપ્રધાન મોદી અને અમિત શાહે એવા સમયે ચંદ્રાબાબુ નાયડુ સાથે વાત કરી જ્યારે કોંગ્રેસ નેતૃત્વએ થોડા સમય પહેલા તેમનો સંપર્ક કર્યો હતો. ચૂંટણીના પ્રાથમિક વલણો પરથી દેખાય છે કે, ચંદ્રાબાબુ નાયડુની પાર્ટી હવે કિંગમેકર બને તેવા એંધાણ દેખાઇ રહ્યા છે. આ સાથે બિહારના મુખ્યમંત્રી નીતિશ કુમાર પણ ભાજપ માટે સત્તા સુધી પહોંચવાનો માર્ગ બની રહેશે.

ભાજપ સ્પષ્ટ બહુમતીથી દૂર

જો કે આ બંને નેતા અને તેમની પાર્ટી હાલમાં NDAનો હિસ્સો છે, પરંતુ તેમનો ઈતિહાસ પક્ષપલટુઓનો રહ્યો છે. નીતીશ કુમારની પાર્ટી બિહારમાં મોટી જીત હાંસલ કરવા તરફ આગળ વધી રહી છે. તેણીએ રાજ્યની 16 બેઠકો પર ચૂંટણી લડી હતી અને તેમાંથી તે 14 પર આગળ ચાલી રહી હતી. 17 બેઠકો પર ચૂંટણી જીતનાર ભાજપ માત્ર 12 બેઠકો પર આગળ છે.

બીજી તરફ આંધ્ર પ્રદેશમાં NDA કુલ 25માંથી 22 સીટો પર આગળ છે. જો કે, તેમાંથી ટીડીપી 16 પર એકલી છે. આ ટીડીપી એ જ પાર્ટી છે, જેના નેતા ચંદ્રાબાબુ નાયડુ 2019ની ચૂંટણી પહેલા રાષ્ટ્રીય સ્તરે મોદી સરકાર વિરુદ્ધ ગઠબંધનની આગેવાની કરી રહ્યા હતા. જો કે આ પહેલા ચંદ્રાબાબુ નાયડુ અટલ બિહારી વાજપેયીના કાર્યકાળ દરમિયાન એનડીએનો હિસ્સો રહી ચૂક્યા છે.

આ બંને એવા નેતા છે કે જેઓ ભાજપની વર્તમાન નેતાગીરીને બહુ પસંદ નથી કરતા, પરંતુ એમ કહી શકાય કે તેઓ રાજકીય મજબૂરીમાં એનડીએ સાથે આવ્યા હતા. હવે ભાજપ નબળું પડતું દેખાઈ રહ્યું છે ત્યારે આ બંને પોતાના માટે તકો શોધી શકે છે. તેઓ મહાન સોદાબાજી શક્તિ પ્રાપ્ત કરી છે. જેઓ કહેતા હતા કે બિહારમાં વારંવાર પક્ષપલટો કરનારા નીતીશ માટે આ અસ્તિત્વની લડાઈ છે, પરંતુ ચૂંટણીમાં ફરી એકવાર નીતિશ મોટા રાજકીય ખેલાડી સાબિત થયા છે.