અજમેર શરીફમાં મંદિરના દાવાનું સમર્થન નથી કરી રહી સરકાર, ચાદર ચઢાવી મંત્રીએ આપ્યું મોટું નિવેદન

Kiren Rijiju Offering Chadar Ajmer Dargah: કેન્દ્રીય મંત્રી કિરેન રિજિજુ PM નરેન્દ્ર મોદી દ્વારા મોકલવામાં આવેલી ચાદર લઈને શનિવારે (4 જાન્યુઆરી, 2025) અજમેર પહોંચ્યા હતા. અજમેરમાં ચાલી રહેલા વિવાદ વચ્ચે કિરેન રિજિજુએ અજમેર શરીફની દરગાહ પર વડાપ્રધાન દ્વારા મોકલવામાં આવેલી ચાદર ચઢાવી હતી. ખ્વાજા મોઇનુદ્દીન ચિશ્તીની દરગાહ પર ચાદર ચઢાવતા કિરેન રિજિજુએ કહ્યું કે, 'અજમેરમાં ઉર્સ દરમિયાન ગરીબ નવાઝની દરગાહની મુલાકાત લેવી એ આપણા દેશની જૂની પરંપરા છે.'

મોદીજીનો સંદેશ ભાઈચારાનો છે- કિરેન રિજિજુ

કિરેન રિજિજુએ કહ્યું કે, 'આ વખતે ઉર્સના અવસર પર મને ગરીબ નવાઝને ચાદર ચઢાવવાની તક મળી છે. વડાપ્રધાન મોદીજીનો સંદેશ ભાઈચારાનો છે અને સમગ્ર દેશે સાથે આવવું જોઈએ અને સાથે રહેવું જોઈએ. હું અજમેર દરગાહ જઈને અને દેશને એકજૂટ રહેવાનો સંદેશ આપી રહ્યો છું.'

નિઝામુદ્દીન દરગાહમાં પણ ચાદર ચઢાવી અને પ્રાર્થના કરી

કેન્દ્રીય મંત્રીએ વધુમાં કહ્યું કે, 'ગઈકાલે અમે પણ નિઝામુદ્દીન દરગાહ ગયા હતા અને ત્યાં પણ બધાની સાથે અમે ચાદર ચઢાવીને પ્રાર્થના કરી. ઉર્સના આ શુભ અવસર પર આપણે બધા દેશમાં સારું વાતાવરણ બનાવવા માંગીએ છીએ અને સંવાદિતાને બગાડે એવું કંઈ ન કરીએ.'

શું છે વિવાદ?

તાજેતરમાં, હિન્દુ સેના દ્વારા કોર્ટમાં એક અરજી દાખલ કરવામાં આવી હતી જેમાં માંગ કરવામાં આવી હતી કે પીએમ મોદી દ્વારા મોકલવામાં આવેલી ચાદર અજમેર શરીફ દરગાહ પર ચઢાવવામાં ન આવે. હિન્દુ સેના દ્વારા દાખલ કરવામાં આવેલી અરજીમાં કહેવામાં આવ્યું છે કે આ મામલામાં સુનાવણી 24 જાન્યુઆરીએ થવાની છે. આ પહેલા હિન્દુ સેનાએ કોર્ટમાં અરજી દાખલ કરીને દાવો કર્યો હતો કે અજમેર શરીફ દરગાહ શિવ મંદિરની જગ્યા પર બનાવવામાં આવી છે.

#WATCH | Rajasthan | Union Minister of Minority Affairs Kiren Rijiju says, "We are fortunate to come here. We have brought the chadar on behalf of PM Modi. I also read the message of PM Modi. We sought blessings here..." https://t.co/yIYFjftCLq pic.twitter.com/ooPE31xneY

— ANI (@ANI) January 4, 2025

આ પણ વાંચો: કાશ્મીરના બાંદીપોરમાં સૈન્ય જવાનોથી ભરેલી ટ્રક ખીણમાં ખાબકી, 2 જવાન શહીદ, 3 ઘાયલ

અજમેર વિવાદ પર કિરેન રિજિજુએ શું કહ્યું?

અજમેર દરગાહ વિવાદ પર કિરેન રિજિજુએ કહ્યું કે, 'અમે કોઈને જવાબ આપવા કે બતાવવા નથી આવ્યા, પરંતુ દેશમાં દરેક વ્યક્તિ સારી રીતે જીવે તેવો સંદેશ લઈને અમે દરગાહ જઈ રહ્યા છીએ.'

તેમણે કહ્યું કે, 'ગરીબ નવાઝના સ્થાન પર દરેક આવે છે પછી ભલે તે હિન્દુ હોય, મુસ્લિમ હોય, બૌદ્ધ હોય, ખ્રિસ્તી હોય, શીખ હોય, પારસી હોય કે જૈન હોય. દરવાજા દરેક માટે ખુલ્લા છે, દરેકનું અહીં સ્વાગત છે. વડાપ્રધાન તરીકે નરેન્દ્ર મોદીએ સમગ્ર દેશ વતી મને મોકલ્યો છે. હું અહીં વડાપ્રધાનનો સંદેશ વાંચીશ.'

કિરેન રિજિજુએ કહ્યું કે, 'ખ્વાજા મોઇનુદ્દીન ચિશ્તી વિશે આખી દુનિયા જાણે છે. અહીં લાખો લોકો આવે છે. પરંતુ ખાસ કરીને મહિલાઓ અને વૃદ્ધોને અહીં આવવામાં ઘણી મુશ્કેલીનો સામનો કરવો પડે છે. અમારું લઘુમતી મંત્રાલય અહીં કંઈક નવું લોન્ચ કરશે.'