Viral Video : કિંગ કોબ્રાને બાથરૂમમાં નવડાવ્યો, યુવકની હિમ્મત પર લોકોએ કરી જબરી કોમેન્ટ્સ

                                                            Image Source: Twitter

નવી દિલ્હી, તા. 18 ઓક્ટોબર 2023 બુધવાર

ડર દરેકને લાગે છે પરંતુ દુનિયામાં ઘણા એવા લોકો પણ છે જે કોઈ પણ પરિસ્થિતિમાં ગભરાતા નથી. સાથે જ તેઓ એવા જાનવરોની સાથે પણ સરળતાથી રહી શકે છે, જેમને જોતા જ કોઈ પણ ના રૂંવાડા ઊભા થઈ જાય. આવો જ એક જીવ સાપ છે, જેને જોઈને દરેકના રૂંવાડા ઊભા થઈ જાય છે. જોકે અમુક લોકોને આ જોખમી સાપ સાથે રહેવાનો શોખ હોય છે અને તેઓ તેની સાથે એવી રીતે રહે છે જેમ કે કોઈ મિત્ર સાથે રહેતા હોય. સોશિયલ મીડિયા પર આવા ઘણા વીડિયો વાયરલ થાય છે. આવો જ એક વીડિયો છેલ્લા ઘણા દિવસોથી વાયરલ છે, જેમાં એક શખ્સ ખતરનાક કિંગ કોબ્રાને નવડાવતો જોવા મળી રહ્યો છે.

કોબ્રાને નવરાવવાનો વીડિયો

સોશિયલ મીડિયા પર વાયરલ થઈ રહેલા વીડિયોમાં જોઈ શકાય છે કે આ શખ્સ બાથરૂમમાં કિંગ કોબ્રાની સાથે છે. જે બાદ તે પાસે મૂકેલી ડોલથી કોબ્રાને નવડાવવાનું શરૂ કરી દે છે. વીડિયોમાં જોઈ શકાય છે કે આ શખ્સ આ દરમિયાન કોબ્રાને વારંવાર પોતાના હાથેથી સ્પર્શી રહ્યો છે. ભારતના એક ફોરેસ્ટ સર્વિસ ઓફિસરે આ વીડિયોને શેર કર્યો છે. જેમાં તેમણે આ શખ્સને કહ્યુ છે કે તમે શા માટે આગથી રમી રહ્યા છો. ફોરેસ્ટ ઓફિસરે કહ્યુ કે સાપો પાસે પોતાની સુરક્ષા અને પોતાને સ્વચ્છ રાખવા માટે ત્વચા હોય છે, જેને તેઓ સમયાંતરે છોડતા રહે છે, તો પછી તમારે આગ સાથે રમવાની શું જરૂર છે.

લોકોએ ખૂબ કમેન્ટ કરી

ખતરનાક કિંગ કોબ્રા સાથે આ રીતે રમનારના આ વીડિયો પર લોકો ખૂબ કમેન્ટ કરી રહ્યા છે. હજારો લોકો અત્યાર સુધી આ વીડિયોને જોઈ ચૂક્યા છે. અમુક સોશિયલ મીડિયા યુઝર્સ લખી રહ્યા છે કે આ કોબ્રાનું ઝેર કાઢી દેવામાં આવ્યુ છે, જે બાદ જ શખ્સ આવી હિંમત કરી શક્યો છે. અન્ય યુઝરે લખ્યુ કે આ શખ્સનું અંતિમ સ્નાન હોઈ શકે છે. જોકે અમુક લોકોએ આ વીડિયોની મજા પણ લીધી અને લખ્યુ કે જાનવરોને પણ નહાવાનો પૂરો અધિકાર છે. 

Bathing a king cobra😳
Snakes have skin to protect & keep them clean, which they shed periodically.
So what’s the need for playing with fire? pic.twitter.com/rcd6SNB4Od

— Susanta Nanda (@susantananda3) October 17, 2023