જે.પી.નારાયણના મ્યુઝિયમનું પતરાં વડે બેરિકેડિંગ કરાતા અખિલેશ બગડ્યાં, લખનઉમાં હોબાળો

Image: Facebook

Akhilesh Yadav: જયપ્રકાશ નારાયણની જયંતી પર એક વખત ફરી લખનૌમાં રાજકીય માહોલ ગરમાયો છે. અખિલેશ યાદવ જેપી સેન્ટરમાં શ્રદ્ધાંજલિ માટે અડગ હતા. સરકારે તેમના કેમ્પસમાં જવા પર રોક લગાવતા મોટી સંખ્યામાં પોલીસ કર્મચારીઓને તહેનાત કરી દીધા. તે બાદ અખિલેશ યાદવ ઘરેથી બહાર નીકળ્યા. તેમના પહેલા કાર્યકર્તા જેપીની પ્રતિમા લઈને ત્યાં પહોંચ્યા અને અખિલેશે વચ્ચે રસ્તા પર જ જેપીની પ્રતિમાને માળા અર્પણ કરી દીધી.

તે બાદ અખિલેશ યાદવે ત્યાં ઉપસ્થિત સપા કાર્યકર્તાઓને સંબોધિત કર્યા અને કહ્યું કે 'જેપીની જયંતી તો અમે મનાવીને રહીશું તમે (સરકાર) ક્યાં સુધી રોકશો. JPNICની સારસંભાળ અને નિર્માણ પુરું કરવું તથા જનતા દ્વારા ખોલવાની તૈયારી સરકારની હતી, 70 કરોડથી વધુનું પેમેન્ટ કોઈ પ્રિય ઠેકેદારને આપી દીધું, તેમ છતાં હજુ સુધી નિર્માણ કાર્ય પૂરું થયું નથી. તેનો અર્થ જેપીએનઆઈસીમાં કંઈક છુપાયેલું છે. આ તેને વેચવા માગે છે. જો તેમણે જેપીએનઆઈસી ન જવાની વ્યવસ્થા કરી છે તો અમે પણ રસ્તા પર જેપીજીની જયંતી મનાવવાની વ્યવસ્થા કરી છે. જેપીએનઆઈસીનો તપાસ રિપોર્ટ ક્યારેય બહાર આવશે નહીં કેમ કે આમાં તેના લોકો સામેલ છે. અખિલેશ યાદવે કહ્યું કે 'સરકાર જેપીએનઆઈસીને વેચી દેવા ઈચ્છે છે. ષડયંત્ર એ છે કે સરકાર વર્લ્ડ ક્લાસ બિલ્ડિંગને વેચીને લાભ લેવા ઈચ્છે છે. જે સરકાર વરુઓથી ગરીબોને બચાવી શકી નથી. આ સરકાર ગરીબોની મદદ કરી શકી નથી. આ સરકાર આપણા આરોગ્યની ચિંતા કેમ કરી રહી છે જે કહી રહી છે કે ત્યાં વીંછી છે. અમારી ચિંતા ના કરો, આ સરકારમાં વીંછી છે.'

અમે જયપ્રકાશ નારાયણની જયંતીના દિવસે JPNICના મ્યુઝિયમમાં જઈને તેમની જયંતી મનાવીએ છીએ પરંતુ ખબર નહીં કેમ આજે સરકાર અમને રોકી રહી છે. માળા અર્પણ કરવા દઈ રહી નથી. ભાજપે દરેક સારું કામ રોક્યું છે પરંતુ આજે અમે લોકો રસ્તા પર ઊભા થઈને જો જયપ્રકાશ નારાયણને યાદ પણ કરી રહ્યાં છીએ તો આ સરકાર અમને રોકવા ઈચ્છે છે કે અમે માળા અર્પણ ન કરીએ પરંતુ અમે લોકોએ અહીં રસ્તા પર જ માળા અર્પણ કરી દીધી. 

જયપ્રકાશ નારાયણના નામ પર જે ઈમારત બનાવવામાં આવી છે, તેને એટલા માટે ઢાંકવામાં આવી છે કેમ કે તેની પાછળ ષડયંત્ર છે. ષડયંત્ર છે કે તેઓ તેને વેચવા માગે છે. આવી સરકાર જે મ્યૂઝિયમ વેચી રહી હોય તેનાથી શું આશા કરી શકાય. સમાજવાદી પાર્ટીના લોકો દર વર્ષે તેમની જયંતી મનાવતા રહ્યાં છે અને આ રીતે મનાવતા રહેશે. અમે લોકો ત્યાં જઈને ભારત રત્ન જયપ્રકાશ નારાયણને સન્માન આપવાનું કામ કરીશું. 

અખિલેશ યાદવના ઘરની બહાર બેરિકેડિંગ લગાવીને ટ્રાફિકને બંધ કરી દેવાયો છે. અખિલેશ યાદવની સુરક્ષામાં તહેનાત પોલીસ ફોર્સ સિવાય કોઈને પણ આવવા-જવા પર પ્રતિબંધ છે. સપા અધ્યક્ષની આવાસ તરફ જતાં બંને તરફના રસ્તા પર પોલીસે લગભગ 200 મીટર પર જ બેરિકેડિંગ લગાવી છે.

JPNIC અને જેપીના વારસા પર લખનૌમાં શા માટે હોબાળો મચેલો છે? સપા-યોગી સરકારને શું ફાયદો-નુકસાન?

ઉત્તર પ્રદેશના પૂર્વ મુખ્યમંત્રી મુલાયમ સિંહ યાદવનું માનવું હતું કે લોકનાયક જયપ્રકાશ નારાયણના નામ પર લખનૌમાં એક સ્મારક બનાવવામાં આવે. આ માટે પૂરી તૈયારી થઈ ચૂકી હતી પરંતુ આ પહેલા આ સેન્ટરનું કામ શરૂ થઈ જાત પરંતુ મુલાયમ સિંહની સરકાર જતી રહી. જે બાદ માયાવતીની નવી સરકાર બની અને આ સ્વપ્ન અધૂરું રહી ગયું. વર્ષ 2012માં યુપીમાં અખિલેશ યાદવની સરકાર આવી તો તેમણે પિતા મુલાયમ સિંહ યાદવના સ્વપ્નને પૂરું કરવા માટે મોટા પગલા ઉઠાવતાં લખનૌમાં લોહિયા પાર્કના એક ભાગમાં તેને બનાવવાનો નિર્ણય કર્યો. આ પાર્ક લખનૌ ડેવલપમેન્ટ ઓથોરિટીનો હતો, તેથી આ સેન્ટરને બનાવવાની જવાબદારી પણ તેને જ આપવામાં આવી.

જેપી સેન્ટરની બાબતે CAGમાં પોતાનો એક રિપોર્ટ સોંપ્યો, જેમાં મોટા ચોંકાવનારા દાવા કરવામાં આવ્યા. જેમાં દાવો કરવામાં આવ્યો કે ટેન્ડર વિના જ ઘણા કાર્યો કરાવવામાં આવ્યા હતા. આ સેન્ટર માટે માત્ર એસી સિસ્ટમ જોવા માટે એલડીએના ઘણા અધિકારી ચીન ફરવા જતા રહ્યા હતા, જેમાં બે IAS અધિકારી પણ સામેલ હતા. વર્ષ 2017માં યોગી આદિત્યનાથની સરકાર બન્યા બાદ JPNIC ના નિર્માણ પર રોક લાગી ગઈ. મામલો હાઈકોર્ટ પણ ગયો પરંતુ રોક હજુ પણ ચાલુ રહી. અખિલેશ સરકારે આને બનાવવાનો ઠેકો શાલીમાર કંપનીને આપ્યો હતો, જેના ચેરમેન સંજય શેઠ હવે ભાજપના રાજ્ય સભા સાંસદ છે. ત્યારે તે સમાજવાદી પાર્ટીના ખજાનચી હતા.